Jyl basynan beri 10%-ǵa tómendedi.
AQSH-tyń FRJ paıyzdyq mólsherlemeleriniń kúrt kóterilýi AQSH dollary ındeksi men AQSH qazynashylyq kiristiligin arttyrǵandyqtan, altyn baǵasy quldyraı bastady, dep habarlaıdy Almaty-akshamy.kz Inbusiness.kz silteme jasap.
Ótken aptada FRJ basshysy Djerom Paýell ortalyq bank álemdegi aqsha-nesıe saıasatyn qatańdatý sıklin báseńdetýge nıeti joq dep eskertýi baǵaly metal baǵasyna qatty áser etti.
Bul rette altyn baǵasynyń besinshi aı qatarynan tómendeýi altyn qorlary bar elderge áser etip, ınvestorlardyń baǵaly metalǵa degen qyzyǵýshylyǵyn tómendetýi múmkin.
Aıta ketetini, QR Ulttyq bankiniń sońǵy málimetteri boıynsha, shildede eldiń altyndaǵy qorynyń kólemi 21,1 mlrd dollardy qurady, demek bir aıda onyń baǵasy 5,84%-ǵa, al jyl basynan beri 10%-ǵa tómendedi.