2024 jylǵy 10 qyrkúıekte Qazaqstan Respýblıkasynyń Ortalyq referendým komısıasy Elektoraldyq oqytý ortalyǵynyń alańynda saıası partıalardyń, olardyń fılıaldarynyń, respýblıkalyq jáne óńirlik úkimettik emes uıymdardyń, sondaı-aq buqaralyq aqparat quraldarynyń ókilderi úshin «Respýblıkalyq referendýmdy ázirleý men ótkizýdiń erekshelikteri» taqyrybynda onlaın-semınar ótkizdi.
Semınar aǵymdaǵy jyldyń 6 qazanyna taǵaıyndalǵan respýblıkalyq referendýmǵa daıyndyq jáne ony ótkizý jónindegi Qazaqstan Respýblıkasy Ortalyq referendým komısıasynyń İs-sharalar josparyna sáıkes uıymdastyryldy. Sonymen qatar, 2024 jyly saılaý prosesine qatysýshylardy oqytýdy uıymdastyrý jónindegi Ortalyq saılaý komısıasynyń is-sharalar jospary da negizge alyndy.
Semınarda QR ORK Tóraǵasynyń orynbasary Konstantın Petrov, Ortalyq referendým komısıasynyń músheleri Sábıla Mustafına, Anastasıa Shegorsova, Asylbek Smaǵulov sóz sóıledi.
Olar referendýmdy ázirleý men ótkizýdiń quqyqtyq negizderi jáne praktıkalyq erekshelikteri týraly baıandap, referendým týraly zańnamanyń jańashyldyqtary, naýqannyń merzimderi men kezeńderi, komısıalardyń ókilettikteri, referendýmdy qarjylandyrý máseleleri, azamattardy referendýmǵa qatysýshylar tizimine engizý, úgit-nasıhat júrgizý, qoǵamdyq baıqaý jáne saýalnamalardyń talaptary, sondaı-aq múgedektigi bar azamattardyń saılaý quqyqtaryn qamtamasyz etý máselelerine erekshe nazar aýdardy.
Sonymen qatar, QR Energetıka mınıstrliginiń Atom energetıkasy jáne ónerkásibi departamenti dırektorynyń orynbasary Gúlmıra Mursalova Qazaqstandaǵy energıa qaýipsizdigin qamtamasyz etýdegi AES-tiń róli jáne elimizdegi atom ónerkásibiniń bolashaǵy týraly tolyq málimet berdi.
Spıkerlerdiń baıandamalarynan keıin qatysýshylardan 50-ge jýyq suraq qoıylyp, olardyń barlyǵyna tolyq jaýap berildi. Semınarǵa 300 adam qatysyp, onlaın-translásıa 1000-nan astam qaralym jınady.
Referendým qatysýshylarynyń osy sanattary úshin oqytý sharalaryn óńirlik deńgeıde aýmaqtyq referendým komısıalary uıymdastyratyn bolady.