Tájikstanda meshit mańynda belgisiz bireý bas múftıdi pyshaqtap ketken.
Tájikstan Respýblıkasy İİM habarlaǵandaı, namaz aıaqtalǵannan keıin Dýshanbedegi ortalyq meshittiń janynda Tájikstannyń bas múftıi, Úlem (musylman dinı qyzmetkerleri) keńesiniń tóraǵasy Saıdmýkarram Abdýkodırzodaǵa saǵat 17:20 shabýyl jasaldy, dep habarlaıdy aqshamnews.kz.
Shabýyl saldarynan dinbasyǵa jeńil dene jaraqaty keltirilgen. Dárigerler oǵan oqıǵa ornynda qajetti kómek kórsetti, sodan keıin ol úıine jetkizildi.
Qylmyskerdi ishki ister organdarynyń qyzmetkerleri izin sýytpaı, birden ustady. Shabýyl faktisi boıynsha qylmystyq is qozǵaldy.