Osy jazda halyqtyń áleýmettik osal toptarynan (HÁOT) 10 myńǵa jýyq balaǵa Ortalyq mádenıet jáne demalys saıabaǵyndaǵy atraksıondar tegin boldy. Eske salsaq, 17 shildede HÁOT sanatynan Almatyda turatyn balalarǵa tegin kartochkalar berý aksıasy bastaldy. Bul sheshimdi Almaty ákimdigi saıabaq ákimshiligimen birlesip qabyldady, dep habarlaıdy almaty-akshamy.kz
Aksıa bastalǵannan beri kartochkalardy 6 jastan 14 jasqa deıingi balalar paıdalandy. Olardyń ishindegi eń tanymal atraksıondar «Sepochka», «Koleso obozrenıa», «Orbıta» jáne «Veselye gorkı» boldy.
Aıta keteıik, bul aksıany basqa da komersıalyq nysandar qoldady – bir aı boıy balalarǵa saıabaqta balmuzdaq tegin taratyldy.
Sonymen qatar, fýtbol, basketbol alańy, skeıt-park, rollerdrom, ústel tenısi jáne vorkaýt alańdary da tegin boldy. Balalar úshin ár senbi jáne jeksenbi kúnderi balalar qalashyǵynyń sahnasynda eki saǵattyq shoý-baǵdarlamalar kórsetiledi. Saıabaq ákimshiligi barlyq is-sharalardy ótkizýge ketetin shyǵyndardy ózderi kóterdi.
Bul aksıa aǵymdaǵy jyldyń tamyz aıynyń sońyna deıin ótedi. Kartochkalardy alý úshin «Altyn Taraz» JSHS keńsesine Gogol kóshesi, 1 mekenjaı boıynsha (OMDS aýmaǵynda) habarlasý qajet. Ózimen birge balanyń týý týraly kýáligi (kóshirmesi nemese elektrondy túrde) bolýy mindetti. Anyqtama telefony: +7 (705) 892-75-24.
