Qytaımen shekaradaǵy «Baqty» ótkizý pýnkti birneshe kúnge jabyq bolady, dep habarlaıdy Almaty-akshamy.kz QR Qarjy mınıstrligi Memlekettik kirister komıtetiniń baspasóz qyzmetine silteme jasap.
Bıylǵy jyl basynan Eýrazıalyq ekonomıkalyq odaq elderiniń kedendik shekarasynyń Qazaqstan bóliginde ornalasqan ótkizý pýnkterin jańartý jáne tehnıkalyq qosymsha jaraqtandyrý júrgizilip jatyr. Osyǵan baılanysty Qazaqstan-Qytaı shekarasyndaǵy «Baqty» avtomobıl ótkizý pýnkti qaıta jańartylýda.
Jumystardy júrgizý kestesine sáıkes 18-20 tamyz aralyǵynda sýmen jabdyqtaýdyń syrtqy jelilerin tóseý josparlanǵan. Sý jelileri ótkizý pýnktiniń avtomobıl joly arqyly ótetindikten, atalǵan kúnder aralyǵynda keden beketi kólik quraldary úshin jabyq bolady.
««Baqty» ótkizý pýnkti 2023 jylǵy 21 tamyzda shtattyq rejımde ashylatyny josparlanyp otyr. Keltirilgen qolaısyzdyqtar úshin keshirim suraımyz», - delingen komıtet málimetinde.