Ortalyq Azıa elderiniń úzdik tehnologıalyq IT-startaptary 500 myń dollarǵa deıin ınvestısıa tarta alady. Bul iske Qazaqstanda 7 naýryzda bastalatyn Investment Readiness Accelerator baǵdarlamasy yqpal etedi. Qazirgi tańda qatysýshylardan ótinimderdi qabyldaý jumystary júrgizilýde, dep habarlaıdy Almaty-akshamy.kz Qazaqtv.com saıtyna silteme jasap.
Uıymdastyrýshylardyń aıtýynsha, baǵdarlama úsh bólimnen turady jáne onlaınmen qatar oflaın formatynda ótedi. Innovatorlar zań turǵysynan praktıkalyq bilim ala alady, jobanyń tıimdi qarjylyq modelin qurýdy, pıch-dek qurýdy úırenedi, sondaı-aq basqa da kóptegen maǵlumatpen aqparattanady. Baǵdarlamanyń resmı bóligi aıaqtalǵannan keıin qatysýshylar ózderiniń startaptaryn tek Ortalyq Azıadan ǵana emes, AQSH-tan, Eýropadan kelgen ınvestorlarǵa kórsete alady.
«Barlyq akseleratordyń túpki maqsaty mynada, jalpy, biz kóptegen komandanyń tarap ketý sebebi eshkimge qajet emes ónimdi jasap shyǵarǵandyǵynda emes, tyń dúnıeni oılastyra otyryp oǵan qoldaýshy, alǵashqy ınvestısıany taba almaıtyndyǵynda ekenin aıtqymyz keledi. Tıisinshe, odan keıin startapshylardyń toby tarap jatady. Másele olar qajet emes nárseni jasap shyǵarǵanda emes, senimdi qoldaý taba almaǵandyǵynda. Biz osy máseleni jyldar boıy baıqap kelemiz. Sondyqtan da atalmysh baǵdarlamany júzege asyrý jón dep sheshtik», - dedi Ortalyq Azıanyń birinshi venchýrlyq qorynyń basqarýshy seriktesi Álim Hamıtov.