Qazaqstanda jańa óńdeý kásiporyndary qurylady
QR Indýstrıa jáne ınfraqurylymdyq damý mınıstrligi Úkimetke mamyr aıynda jańadan óndiris oshaqtaryn qurýdy yntalandyrýǵa baǵyttalǵan sharalar keshenin usyndy. Bul týraly vedomstvo basshysy Qaıyrbek Óskenbaev málimdedi, dep habarlaıdy Almaty-akshamy.kz
Ol elimizdiń taý-ken metalýrgıa kásiporyndarymen jumys bastalyp ketkenin aıtady. Onda negizgi jobalardyń qataryna 12 óndiris kirgen. Olar akýmýlátorlar, alúmını radıatorlary, profılder, kólik dıskileri jáne azyq-túlik qalbyrlaryn shyǵarýmen aınalysady. Mınıstr búginde álemde negizgi metaldarǵa degen suranys ósip kele jatqanyn atap ótti.
«Elimizde eksportqa baǵyttalǵan sazbalshyq jáne mys konsentraty boıynsha úlken shıkizat áleýeti bar. Qazir el ishinde óndiriletin barlyq sazbalshyq pen mys konsentratyn óńdeıtin jańa elektrolız jáne mys balqytý zaýytyn qurý máselesin pysyqtap jatyrmyz. Bul bastapqy metaldar óndirisiniń kólemin ulǵaıtýǵa, orta jáne uzaq merzimdi perspektıvada otandyq qaıta óńdeýshiler shıkizatynyń qajetti kólemimen qamtamasyz etýge, sondaı-aq olardy ótkizýden túsetin eksporttyq paıdany ulǵaıtýǵa múmkindik beredi», - deıdi QR Indýstrıa jáne ınfraqurylymdyq damý mınıstri Qaıyrbek Óskenbaev.