20-23 aqpan kúnderi «Atakent» ortalyǵynda Ortalyq Azıadaǵy eń iri Almaty Tech Cup — robototehnıka jáne drondar chempıonaty ótedi, dep habarlaıdy aqshamnews.kz.
Bul týraly Qazaqstan Respýblıkasy Oqý-aǵartý mınıstrliginiń baspasóz qyzmeti málimdedi.
Bıylǵy jylǵy robototehnıka chempıonatynyń taqyryby sý resýrstary men sýasty álemin zertteýdiń jahandyq máselesine arnalmaq.
Oqýshylar ózderiniń ǵylymı jobalary men ınovasıalyq startaptaryn tórt sanattyq jas boıynsha usynady:
• FIRST LEGO League Discover (4-6 jas)
• FIRST LEGO League Explore (6-10 jas)
• FIRST LEGO League Challenge (10-16 jas)
• FIRST Tech Challenge (12-18 jas)
Komandalar AQSH-tyń Tehas shtaty, Húston qalasynda ótetin álemdik kezeńde el namysyn qorǵaý úshin baq synaıdy.
Drondar chempıonaty tórt baǵytta ótedi:
• ASPAN Drone Competition — drondardy baǵdarlamalaý jáne basqarý;
• ASPAN Cyber Competition — VelociDrone sımýlátoryndaǵy vırtýaldy jarystar;
• ASPAN Drone Race — FPV (First Person View) drondar jarysy.
Jeńimpazdar Ońtústik Koreıa, Eýropanyń birneshe elderi, Qytaı jáne Túrkıadaǵy chempıonattarda Qazaqstannyń namysyn qorǵaýǵa múmkindik alady.
Aıta keteıik, Qazaqstan ótken jyldyń qazan aıynda Afınada ótken jarysta 190 eldiń ishinde úsh dúrkin álem chempıony atanyp, rekord ornatqan bolatyn.
Chempıonat uıymdastyrýshylary: Almaty qalasynyń bilim basqarmasy, USTEM Foundation qory, «Ashyq Aspan» ǵylymı-bilim berý qory, RNPS «Daryn», QR Oqý-aǵartý mınıstrligi men qala ákimdiginiń qoldaýymen uıymdastyrylady.