Almatydaǵy Aport East molynda lazerli IMAX kınozaly ashyldy. Ol HALYK IMAX Kinopark 16 kınoteatrynda ornalasqan.
Eske sala keteıik, qalanyń shyǵys qaqpasyndaǵy Qulja jolynda ornalasqan moll 21 qazanda ashylǵan bolatyn. IMAX kınozaly kólemi boıynsha Ortalyq Azıada eń úlkeni sanalady, dep habarlaıdy almaty-akshamy.kz.
Ol zamanaýı tehnologıalarmen jabdyqtalǵan. Al ekranynyń bıiktigi – 14, eni – 25 metr. Elimizdegi alǵashqy lazerli IMAX kınozaly – Kinopark-Kinoplexx Theatres kompanıasynyń eń úlken jobasy. Ozyq tehnologıamen jabdyqtalǵan zalǵa 480 kórermen syıady. Naqtyraq aıtsaq, lazerli proeksıalyq júıe, 12 kanaldy dybys jáne bıiktigi 14, eni 25 metrlik ekran bar. Mundaı zalda kıno kórýdiń ózi bir ǵanıbet.
Dmıtrıı Revın, Aport moldary bas dırektordyń ınvestısıalar jáne bıznesti damytý boıynsha orynbasary: - Bul – Ortalyq Azıadaǵy alǵashqy ári biregeı joba. Óıtkeni sońǵy IMAX zaly 11 jyl buryn ashylǵan bolatyn. Jańa zal tolyqtaı zamanaýı tehnologıamen jabdyqtalǵan. 377 sharshy metrlik ekran, 12 kanaldy dybys jáne basqa da qurylǵylar – álemdegi úzdik óndirýshilerdiń ónimi.
6680 sharshy metrlik HALYK IMAX Kinopark 16 kınoteatrynda IMAX kınozalynan ózge taǵy 15 jaıly zal bar. İri jobany Halyk Bank qarjylandyrǵan. Kınoteatr aýmaǵynda kórermenderge arnalǵan Tiger Coffee&Food meıramhanasy bar. Qonaqtar tamaq pen sýsyndy onlaın satyp ala alady.
Erlan Buharbaev, Kinopark & Kinoplexx Theatres PR-dırektory: - Jańa kınoteatr 16 kınozaldan turady. Sonyń biri – 480 oryndyq IMAX. Munda gollıvýdtyq, eýropalyq jáne otandyq jańa kınolar kórsetiledi. Sonymen qatar premeralar osy kınoteatrda ótedi.
Aport East mollynyń aýmaǵy 150 myń sharshy metr. Munda brendik dúkender, dámhanalar jelisi, oıyn alańy bar. Kinopark-Kinoplexx kompanıasy IMAX zalynda resmı jáne arnaıy kórsetelimder ótkizbek. Naqtyraq aıtsaq, derekti fılmder men sala mamandaryna arnalǵan sheberlik jumystar usynylady. Kórermender 3D formattaǵy kartınalardy da tamashalaı alady.
Istochnık: https://24.kz/kz/zha-aly-tar/zharnama/item/632006-almatyda-ortaly-aziyada-y-e-lken-imax-kinozaly-ashyldy
Qoldanylǵan materıaldarǵa mindetti túrde www.24.kz saıtyna gıpersilteme berilýi tıis