3 qańtar – jumys kúni.
Sonymen Jańa jylda, 1 jáne 2 qańtarda demalamyz, dep habarlaıdy Almaty-akshamy.kz
Jalpy qazaqstandyqtarǵa Jańa jyldy toılaýǵa 4 kún berilgen:
Bes kún jumys isteıtinder 30, 31 jeltoqsan, 2024 jyldyń 1 jáne 2 qańtar demalady. 2024 jyly Rojdestvo kúni jeksenbige sáıkes keledi, biraq keıinge qaldyrý josparlanbaǵan. Sondyqtan bıyl qosymsha demalys kúni bolmaıdy.
Naýryzda biz eki merekeni toılaımyz – 8 naýryz jáne Naýryz.
8 naýryzda 3 kún demalys bolady. 8 naýryz juma kúnine sáıkes keletindikten, bes kún jumys isteıtinder sáıkesinshe 8, 9 jáne 10 naýryzda, alty kún jumys isteıtinder eki kún demalady.
Naýryz merekesin 5 kún toılaımyz: 21, 22, 23, 24, 25 naýryz.
Mereke senbi kúnine túskendikten, dúısenbi de qosymsha demalys kúná retinde beriledi.
Mamyr aıynda birqatar merekeni toılaımyz: Qazaqstan halqynyń birligi kúni, Otan qorǵaýshylar kúni jáne Jeńis kúni.
Ár mereke úshin bir kún demalys beriledi: 1, 7 jáne 9 mamyr (sársenbi, seısenbi jáne beısenbi).
Maýsym aıynda da qosymsha demalystar bar: musylman kúntizbesi boıynsha atap ótiletin Qurban aıttyń birinshi kúni – 17 maýsym, dúısenbi. Sonymen qatar QMDB jańa aıǵa baılanysty dinı mereke kúnderi keıinge shegerilýi múmkin ekenin aıtty.
Shilde aıynda Astana kúnine baılanysty 3 kún demalys bolady. 6 shilde senbige saı kelgendikten, 8 shilde qosylyp beriledi. Bes kún jumys isteıtinder 6, 7 jáne 8 shilde, al alty kún jumys isteıtinder eki kún demalady.
30 tamyzda Konstıtýsıa kúnin atap ótemiz. Bul kún jumaǵa túskendikten, bes kún jumys isteıtinder úsh kún demalady: 30, 31 tamyz jáne 1 qyrkúıek.
Qazan aıynda Respýblıka kúnin toılaımyz. Soǵan oraı úsh kún qatar demalamyz: 25, 26 jáne 27 qazan.
2024 jylǵy jeltoqsanda Táýelsizdik kúnine oraı qatarynan úsh kún demalys bolady: 14, 15 jáne 16 jeltoqsan (dúısenbi). Alty kún jumys isteıtinder sáıkesinshe eki kún ǵana demalady.