«Esik» memlekettik tarıhı-mádenı mýzeı-qoryǵynda dástúrli İİİ Esik oqýlary «Ortalyq Azıanyń jazba eskertkishteri (aýdarma jáne ınterpretasıalaý máseleleri)» taqyrybynda halyqaralyq ǵylymı konferensıa ótti, dep habarlaıdy Almaty-akshamy.kz.
Konferensıa jumysyna Qazaqstanmen qatar Túrkıa, Qyrǵyzstan, Mońǵolıa, Tájikstan, Ózbekstan, Belgıa, Reseı elderinen 50-ge jýyq ǵalymdar qatysty.
«Esik» memlekettik tarıhı-mádenı mýzeı-qoryǵynda ótken ǵylymı konferensıanyń plenarlyq otyrysyna A.Baıtursynov atyndaǵy Til bilimi ınstıtýtynyń jetekshi ǵylymı qyzmetkeri, f. ǵ. d. A. N. Garkaves., ál-Farabı atyndaǵy Qazaq ulttyq ýnıversıtetiniń profesory, t. ǵ. d. D. S. Baıqonaqov syndy ǵalymdar quttyqtaý sóz sóılep, ǵylym jolyna qosqan mýzeı-qoryǵynyń eńbegine sáttilik tiledi.
Konferensıany ashqan «Esik» memlekettik tarıhı-mádenı mýzeı-qoryǵynyń dırektory Muhtarova Gúlmıra Raıylqyzy qazirgi tańda mýzeı-qoryǵynda jasalyp jatqan aýqymdy ǵylymı jumystar barysyna toqtaldy. Halyqaralyq ǵylymı-tájirıbelik konferensıanyń plenarlyq otyrysynda f.ǵ.d. I.A.Jemeneı, t. ǵ. d. A. N. Podýshkın, t. ǵ. k. Ǵ. Á. Jakeı, f. ǵ. d. A. Q. Mektep-tegi, Sevastopol memlekettik ýnıversıtetiniń dosenti, t. ǵ. k. S. G. Bocharov, «Manas» ýnıversıtetiniń ǵalymdary t. ǵ. k. K. Sh. Tabyldyev pen f.ǵ.k., T.K. Abdıev baıandama oqydy.
Konferensıada ejelgi zaman jazýy, ańyz, tańba (belgi), sımvoldar máni sondaı-aq jazý mádenıetin ónerdiń sımvoly retinde arheologıalyq, etnologıalyq, mádenıettaný, ónertanýshylyq turǵydan qarastyrý máseleleri sondaı-aq arheologıalyq qazba júmysynyń nátıjeleri men zerttelýi talqylanyp, tyń oılar aıtylyp, tájirıbelerimen bólisti.
Halyqaralyq ǵylymı-konferensıanyń seksıalyq otyrystarda «Sýlaıman Too» tarıhı-arheologıalyq mýzeı kesheni (Qyrǵyz Respýblıkasy), Mońǵol-Altaı jartas sulba sýretteri keshendi qoryq ortalyǵy (Mońǵolıa Baı-ólke), Tashkent qalasyndaǵy Kamolıddın Behzoda atyndaǵy ulttyq óner jáne dızaın ınstıtýty (Ózbekstan), Reseı ǵylym akademıasynyń Arheologıa ınstıtýty, Dýshanbe Ulttyq ǵylymı akademıasynyń Tarıh, arheologıa jáne etnografıa ınstıtýty (Tájikstan), Abaı atyndaǵy Qazaq ulttyq pedagogıkalyq ýnıversıteti, ál-Farabı atyndaǵy Qazaq ulttyq ýnıversıtetteriniń ǵalymdary men zertteýshileri baıandama jasady.
«ICOMOS Qazaqstanda» qoǵamdyq birlestigi, Almaty oblysynyń Mádenıet, arhıvter jáne qujattama basqarmasy, Almaty oblystyq tarıhı-mádenı murany qorǵaý ortalyǵy, Jetisý oblystyq tarıhı-mádenı murany qorǵaý jónindegi ortalyqtyń eskertkishterdi qorǵaý jáne qala qurylysy bólim mamandary, «Tańbaly» qoryq-mýzeıiniń qyzmetkerleriniń qatysýymen «Eskertkishterdi qorǵaý máseleleri boıynsha alqaly jıyn ótti.
Ortalyq Azıanyń jazba eskertkishteri máseleleri men zerttelý tarıhy eshqashan óz mánin joǵaltqan emes. «Esik» mýzeı-qoryǵynda ótken Halyqaralyq konferensıanyń mańyzy men ǵylymılyǵy da erekshe boldy.