Qarýly kúshterde osy sanatta 742 adam bolǵan
Zapastaǵy 463 áskerı qyzmetshi turǵyn úımen qamtyldy. Bul týraly Almaty-akshamy.kz Qorǵanys mınıstrliginiń baspasóz qyzmetine silteme jasap habarlaıdy.
«Áskerı qyzmet jáne áskerı qyzmetshilerdiń mártebesi týraly» Zań aıasynda eńbek ótili 10-nan asqan, alaıda 20 jylǵa jetpegen, ıaǵnı densaýlyq jaǵdaıyna, qysqarýyna jáne merzimdi jasqa kelýine baılanysty áskerı qyzmetten bosatylǵan áskerı zeınetkerler jabyq áskerı qalashyqtaǵy qyzmettik úı-jaılaryn Qazaqstan óńirlerindegi turǵyn úıge aıyrbastaý quqyǵyn paıdalana alady.
Vedomstvo málimetinshe, Qarýly kúshterde osy sanatta 742 adam bolǵan, búgingi tańda olardyń 463-i baspanasyn aýystyrdy. Qalǵan 279 áskerı zeınetkerlermen jumys áli de jalǵasady. Qazirgi ýaqytta 23 adam Almaty qalasynyń 79 razezinde salynyp jatqan «Rona» turǵyn úı kesheni qurylysynyń aıaqtalýyn kútip otyr.
Sondaı-aq, áskerı polısıa ókilderiniń qatysýymen turǵyn úı qoryna tekserý júrgizilip jatyr. Zańsyz turatyn adamdar anyqtalsa, zapasqa shyǵarylǵan áskerı qyzmetshiler arasynda qaıta bólý úshin turǵyn úı-jaılardy bosatý sharalary qoldanylady.
Áskerı zeınetkerlerdiń qalǵan bóligin 2025 jyldyń sońyna deıin turǵyn úımen qamtamasyz etý josparlanyp otyr.