«Jataqhana» operasıasy: órt sóndirýshiler Almaty jataqhanalarynan 350-den astam buzýshylyq anyqtady
2023 jylǵy 13-17 qarasha aralyǵynda Almaty qalasynyń aýmaǵynda «Jataqhana» Tótenshe jaǵdaılar departamenti qyzyǵýshylyq tanytqan memlekettik organdarmen birlesip, «Jataqhana» jedel-aldyn alý is-sharasyn ótkizdi. Onyń qorytyndysyn Óńirlik komýnıkasıalar qyzmetiniń brıfıńinde habarlandy.
Almaty TJD qutqarýshylary «Jataqhana» jedel-aldyn alý is-sharasy aıasynda qala jataqhanalaryna órt qaýipsizdigi turǵysynan profılaktıkalyq tekserýler júrgizdi. İs-sharanyń nátıjeleri týraly dedi Almaty qalasy TJD Memlekettik órt baqylaý basqarmasynyń basshysy mindetin atqarýshy Erkebulan Jumataev baıandady.
TJD, polısıa, aýdan ákimdikteri, volonterlik uıymdar qyzmetkerleriniń birlesken mobıldi toptary jataqhanalar men hostelderge 20 reıd júrgizdi.
«Júrgizilgen reıdter barysynda órt qaýipsizdigi talaptaryn buzýdyń 350-den astam faktisi anyqtalǵan, olardyń ishinde kóp kezdesetinderi kelýshilerdi barynsha kóp ornalastyrý maqsatymen ǵımarat qurylysynyń josparyn ózgertý, uzartqyshtar men jylytqyshtardy paıdalaný, aqaýly elektr aspaptary, oqshaýlaýy zaqymdalǵan elektr symdary jáne taǵy basqalar.
Zańsyz jumys isteıtin, onyń ishinde qaıta jabdyqtalǵan jataqhanalardyń barlyq faktileri boıynsha sharalar qabyldaý úshin tıisti organdarǵa habarlanatyn bolady.
Jataqhanalar men hostelderde turatyn azamattardyń qatysýymen jalpy 3000 myńnan astam adamdy qamtıtyn 120 jıyn uıymdastyryldy, jataqhana ıelerimen órt qaýipsizdigi alaptaryn saqtaý boıynsha 8 dóńgelek ústel ótkizildi.
Jataqhanalarda turatyn azamattarǵa órt qaýipsizdigi erejelerin bilý jáne saqtaý turǵysynan áleýmettik saýalnama uıymdastyryldy, barlyǵy 70 adam qamtyldy.
Reıdtik is-sharalarǵa qatysýshy Almaty qalasy TJD Memlekettik órt baqylaý basqarmasynyń bas mamany Daryn Muqanov megapolıs aýmaǵynda 202 jataqhana bar ekenin habarlady. Jyl basynan beri jataqhanalarda 6 órt tirkeldi, sonyń saldarynan 9 adam qaza tapty, onyń 4-ýi balalar.
Anyqtama: «Jataqhana» JASH aıasynda polısıa qyzmetkerleri tirkeýi bolmaǵany úshin ÁQBtK 492-babynyń 1-bóligi boıynsha 25 ákimshilik hattama, sondaı-aq ÁQBtK 505-baby boıynsha 1 hattama (qalalar men eldi mekenderdiń aýmaqtaryn abattandyrý qaǵıdalaryn buzý) toltyrdy.
Osyǵan baılanysty qutqarýshylar Almaty qalasynyń turǵyndarynan órt qaýipsizdigi erejelerin qatań saqtaýdy jáne jataqhanalar men hostelderdegi órt qaýipsizdigine qatysty buzýshylyqtardyń barlyq faktileri týraly «101» jáne «112» dıspecherlik qyzmetiniń púltine habarlaýdy nemese e-Otinish portalynda jazbasha ótinish berýdi suraıdy.