Qazaqstannyń Bas prokýrory Berik Asylov burynǵy ulttyq ekonomıka mınıstri Qýandyq Bıshimbaev óltirdi dep aıyptalǵan Saltanat Núkenovanyń isi týraly aıtty, - dep habarlaıdy .
Bas prokýratýra janyndaǵy úılestirý keńesiniń otyrysynda Asylov áıelder men balalarǵa qatysty qylmystyq áreketter qoǵamdy dúrliktirgenin aıtty.
"Jaqyndaǵy Núkenovanyń ólimi ınternet keńistigin dúr silkindirdi. Qazirdiń ózinde 150 myńǵa jýyq qazaqstandyq turmystyq zorlyq-zombylyqtan qorǵaýdy kúsheıtý týraly petısıaǵa qol qoıdy.
Sonymen qatar, bul baǵytta jumys turaqty júrgizilip jatyr. Bıyl otbasylyq-turmystyq quqyq buzýshylyqtar úshin qamaýǵa alý merzimi ulǵaıtyldy, taraptardy qaıta tatýlastyrýǵa tyıym salyndy", - dedi Asylov.
Ol polısıanyń turmystyq zorlyq-zombylyq qurbandarynyń shaǵymyn qaraý jumystary qaıta qurylǵanyn túsindirdi.
"Nátıjesinde, úshinshi toqsanda ákimshilik jaýapkershilikke tartylǵan janjal shyǵarýshylar sany 7 myńnan 27 myńǵa deıin kóbeıgen. Jyl basynan beri 80 adam kisi óltirgeni jáne aýyr jaraqattar úshin uzaq merzimge bas bostandyǵynan aıyryldy. Biraq tek jazalaý ádisteri jaǵdaıdy túzete almaıdy. Tártip ornatýda bizge qoǵamnyń, árbir azamattyń belsendi qoldaýy qajet", – dedi Bas prokýror.