Almaty qalasynyń Qylmystyq atqarý júıesi departametine qarasty №11 mekemesinen “shyqqan órt” taktıkalyq oqý-jattyǵý kezinde der kezinde sóndirildi.
Iá, jeke quram arasynda tótenshe jaǵdaıdaǵy órt shyǵý kezinde is-áreketti jetildirý maqsatynda Jetisý aýdanynyń tótenshe jaǵdaılar bas mamany azamatyq qorǵaý aǵa leıtenanty B.Amanbekov jáne "PCH-8" qaraýyl bastyǵy azamattyq qorǵaý aǵa leıtenanty A.Amantaevpen birlesip, órt shyqqan kezde onyń aldyn alý jáne jedel óshirý oqý-jattyǵýy sátti ótti.
Jasóspirimder jazasyn ótep jatqan túzeý mekemesi aýmaǵyndaǵy mekteptiń ekinshi qabatynan "órt shyqqan" bolatyn. Ony alǵash baıqaǵan baqylaýshy mekeme basytyǵynyń kezekshi kómekshisine dereý habara berip, budan ári MBKK mekeme basshylyǵyna baıandap, tıisti is-sharalar qabyldana bastady.
Mekeme jeke quramynyń kúshimen barlyq sottalǵandar tótenshe jaǵdaıdaǵy qaýipsizdik ornyna shyǵarylyp, tártip saqshylarynyń baqylaýyna alyndy. Sonymen qatar jeke quram dabyl pármeni boıynsha shaqyrtylyp, mekeme tarapynan barlyq ofıser jáne baqylaýshy jumyldyrdy. Sottalǵandardyń qashýyna jáne syrtqy aýmaqtan ózge tulǵalardyń kirýine jol bermeý maqsatynda, qosymshy transporttyń baqylaý pýnktine kınolog-baqylaýshysy qyzmettik ıtpen jáne syrtyq iz kesý jolaǵyna baqylaýshy qoıyldy.
Almaty qalasy Jetisý aýdandyq tótenshe sý shashqysh arnaıy avtokóligi qyzmetkerleri der kezinde kelip, órttiń betin qaıtardy. Jalyn ishinde qalyp qoıǵan eki sottalýshy jasóspirim de aman-esen syrtqa shyǵarylyp, olarǵa alǵashqy medısınalyq kómek kórsetildi.
– Mekeme aýmaǵyndaǵy mektep ǵımaratynan shyqqan órt tótenshe jaǵdaı salasy mamandarynyń ábjil qımyldary arqasynda jedel aýyzdyqtaldy. Osy taktıkalyq oqý-jattyǵýyn ótkizý kezinde sottalǵandar tarapynan toptyq baǵynbaýshylyq, jappaı tártipsizdik nemese qashýǵa áreket etý sıaqty quqyq buzýshylyq oryn alǵan joq. Ózimniń áriptesterime de, oqý-jattyǵýǵa qatysqan Jetisý aýdanynyń tótenshe jaǵdaılar mamandaryna da alǵysyn bildiremin, – deıdi №11 mekeme bastyǵynyń mindetin atqarýshy ádilet podpolkovnıgi Nurlan Kerebaev.