Abaı oblysyndaǵy Polovınka, Talısa jáne Bulaq aýyldarynan ketýge májbúr bolǵan turǵyndardyń balalaryna jazǵy lager uıymdastyrylady.
Bul týraly oblys ákimdiginiń baspasóz qyzmeti málim etti, dep habarlaıdy Almaty-akshamy.kz.
Evakýasıalanǵan balalardyń bos ýaqytyn júıeli uıymdastyrý úshin kún saıyn Abaı mýzeıine, qalanyń basqa da murajaılaryna, bıologıalyq ortalyqqa, kınoǵa, ortalyq saıabaqqa ekskýrsıalar uıymdastyrylady.
«Balalar úshin demalys jáne oıyn-saýyq baǵdarlamalary ázirlenip jatyr. Sondaı-aq balalarǵa arnalǵan №49 orta mektep bazasynda mektep lageri jumys isteıdi. Onda bilim berý sabaqtarymen qatar psıhologıalyq qoldaý kórsetiledi», dedi evakýasıalyq pýnkttiń ókili Birjan Bulabaev.
Aıta ketsek, Semeıdegi evakýasıalyq pýnktterde 189 adam, onyń ishinde 74 bala bar. Jalpy, qalada 800 adamǵa arnalǵan 9 evakýasıalyq pýnkt ashylǵan.