Almatylyq polıseıler qaraýsyz júrgen balalar úshin 312 ata-anany jaýapqa tartty.
Balalar quqyqtarynyń buzylýyna jol bermeý jáne olardyń ata-analarynyń qaraýynsyz qalmaýyn qadaǵalaý maqsatynda “Jasóspirim” jedel aldyn alý is-sharalary ótkiziledi, dep habarlaıdy Almaty-akshamy.kz.
«Atalǵan is-sharanyń maqsaty – túngi ýaqytta ata-analarynyń qaraýynsyz kóńil kóterý men saýyqtyrý mekemelerinde jáne oıyn klýbtarynda júrgen jasóspirimderdi áshkerelep, sondaı-aq qoǵamǵa jat ádetterge balalardy ıtermeleıtin jáne olarǵa alkogól men temeki ónimderin satatyn túlǵalardy sonymen qatar, balalaryn qaraýsyz qaldyratyn ata-analardy anyqtap jaýapkershilikke tartý bolyp tabylady», – dedi Almaty qalasy PD JPQB ıývenaldy polısıa bóliminiń bastyǵy Janna Shonjanova.
İs shara barysynda túrli quqyq buzǵan 376 jetkinshek onyń ishinde 312 túngi ýaqytta İİO-ǵa jetkizilip, qaraýsyz qalǵan 40 bala balalardy qorǵaý ortalyǵyna ornalastyryldy. Arnaıy esepke 25 jasóspirim tirkelip, bala tárbıesinde óz mindetterin oryndamaıtyn 35 ata-ana anyqtaldy.
«Al túngi ýaqytta ata-analarynyń nemese olardyń zańdy ókilderiniń qaraýynsyz kóńil kóterý ortalyqtarynda júrgen balalar úshin 312 ata-ana ákimshilik jaýapkershilikke tartyldy. Eskerte ketetin bir jaıt, kez-kelgen ata-ana óz balalaryn qaraýsyz qaldyrmaý kerek. Sebebi balalar túrli jaǵdaılarǵa dýshar bolyp nemese quqyq buzýshylyqqa jol berýi múmkin. Sondaı-aq jasóspirimderge qatysty qylmys jasalý qaýpi bar. Bala tárbıesine jaýapkershilikpen qaraýdy umytpańyz», – dep qorytyndylady Janna Shonjanova.