Qazgıdromet el aýmaǵynda 14 maýsymda bolatyn qaýipti meteorologıalyq qubylystarǵa boljam jasady.
Joǵary qysymdy óristiń áserinen eldiń basym bóliginde aýa raıy negizinen jaýyn-shashynsyz bolady. Ońtústik-shyǵysta, soltústik-shyǵysta, shyǵysta, qıyr batysta, kúndiz el ortalyǵynda frontaldy bólimderderdiń ótýimen naızaǵaı oınap, ótkinshi jańbyr jaýady, burshaq jaýýy yqtımal. Respýblıka boıynsha jeldiń kúsheıýi, ońtústiginde, ońtústik-batysynda, ortalyǵynda shańdy daýyl, soltústiginde tuman saqtalady.
«Mańǵystaý, Atyraý, Batys Qazaqstan, Qyzylorda oblystarynyń basym bóliginde, Aqtóbe oblysynyń ońtústiginde, Túrkistan oblysynyń shóldi aýdandarynda qatty ystyq kútilýde.
Atyraý oblysynyń ońtústiginde óte qatty ystyq saqtalady.
Túrkistan, Aqtóbe, Qyzylorda, Aqmola, Abaı, Shyǵys Qazaqstan, Jambyl, Ulytaý, Jetisý oblystarynda, Almaty oblysynyń soltústiginde, ortalyǵynda, Qaraǵandy oblysynyń ońtústiginde, Qostanaı oblysynyń ońtústik jartysynda, Batys Qazaqstan, Atyraý, Mańǵystaý oblystarynyń ońtústiginde, shyǵysynda, soltústiginde tótenshe órt qaýpi bar», - dep jazdy vedomstvo.