"Qazgıdromet" 20 shilde, jeksenbige arnalǵan aýa raıy boljamyn jarıalady. Qazaqstannyń kóp óńirinde aýa raıyna baılanysty eskertý jarıalandy, - dep habarlaıdy aqshamnews.kz.
Mańǵystaý oblysynda kúndiz qatty ystyq kútiledi – 38-40 gradýs. Órt shyǵý qaýpi óte joǵary. Aqtaý qalasynda da dál osyndaı jaǵdaı saqtalady.
Almaty oblysynyń ońtústigi men taýly aımaqtarynda naızaǵaı oınaıdy. Ońtústik-batystan soqqan jeldiń jyldamdyǵy 15-20 m/s deıin jetedi. Qonaev qalasynda kúndizgi aýa temperatýrasy 36-38 gradýsqa deıin kóteriledi.
Túrkistan oblysynyń soltústigi men batysynda shańdy daýyl bolady. Soltústik-batystan soltústik-shyǵysqa aýysatyn jel túnde taýly asýlarda, kúndiz oblystyń soltústigi, batysy men taýly aımaqtarynda 15-20 m/s, ekpini 23 m/s jetedi. Ońtústikte – 42 gradýstyq aptap. Órt qaýpi óte joǵary.
Shymkentte de soltústik-batystan soltústik-shyǵysqa aýysatyn jel soǵady, kúndiz ekpini 15-20 m/s. Órt qaýpi joǵary kúıinde qalady.
Túrkistan qalasynda da osyndaı jaǵdaı – shańdy daýyl, jel 15-20 m/s, órt qaýpi joǵary.
Qyzylorda oblysynyń ortalyǵy, ońtústigi men soltústiginde shańdy daýyl kútiledi. Jel soltústikten jáne soltústik-shyǵystan 15-20 m/s, ońtústikte ekpini 25 m/s. Qyzylorda qalasynda jel 15-20 m/s, ara-tura shańdy daýyl bolýy múmkin.
Ulytaý oblysynda soltústik-shyǵys jeli soǵady. Tańerteń jáne kúndiz oblystyń shyǵysy men ortalyǵynda jel ekpini 15-20 m/s. Ortalyq, ońtústik jáne shyǵys bólikterinde órt qaýpi óte joǵary, soltústikte – joǵary. Jezqazǵanda da jel 15 m/s jetedi.
Shyǵys Qazaqstan oblysynda túnde jáne tańerteń – jańbyr, naızaǵaı, shkval; kúndiz – burshaq jaýýy múmkin. Jel 15-25 m/s deıin. Órt qaýpi – batys, ortalyq, shyǵys jáne ońtústik óńirlerde joǵary deńgeıde. Óskemende túnde jáne tańerteń naızaǵaı kútiledi.
Abaı oblysynda túnde naızaǵaı men shkval bolady, kúndiz – burshaq. Jel – 15-28 m/s deıin. Ońtústikte 35 gradýs ystyq. Órt qaýpi joǵary. Semeıde túnde naızaǵaı, jel ekpini 15-20 m/s.
Qaraǵandy oblysynda – soltústik-shyǵys jel, 15-20 m/s deıin. Soltústik pen shyǵysta – órt qaýpi joǵary, batys pen ońtústikte – óte joǵary.
Aqmola oblysynda túnde jáne tańerteń – tuman. Órt qaýpi batys, ońtústik pen ortalyqta joǵary.
Jambyl oblysynyń taýly aýdandarynda naızaǵaı, jel – 15-23 m/s deıin. Tarazda da jel kúsheıip, órt qaýpi óte joǵary bolady.
Atyraý oblysynda – 35-39 gradýsqa deıin ystyq, ásirese Atyraý qalasynda 37-39 gradýsqa deıin jetedi. Órt qaýpi – óte joǵary.
Qostanaı oblysynda túnde jáne tańerteń tuman bolady. Órt qaýpi – ońtústik-batysta óte joǵary, ońtústik-shyǵysta – joǵary.
Aqtóbe oblysynda kúndiz 35-36 gradýsqa deıin ystyq. Ortalyq pen ońtústikte – órt qaýpi óte joǵary, soltústik-batys pen soltústik-shyǵysta – joǵary.
Pavlodar oblysynda jel 15-20 m/s. Ońtústik pen shyǵysta – órt qaýpi joǵary.
Soltústik Qazaqstan oblysynda túnde jáne tańerteń tuman bolady. Kúndiz Petropavlda jel 15-20 m/s.
Batys Qazaqstan oblysynda kúndiz 35-37 gradýsqa deıin ystyq. Órt qaýpi – batysta óte joǵary, soltústik, shyǵys jáne ortalyqta – joǵary.
Jetisý oblysynda kúndiz 35-36 gradýs ystyq, jel 15-20 m/s deıin jetedi. Taldyqorǵanda da osyndaı jaǵdaı kútiledi.