İle Alataýy memlekettik ulttyq parkinde órt jıileıtin maýsymǵa daıyndyq jumystary bastaldy. İle Alataýy ulttyq parkiniń Medeý fılıalyna qarasty orman órtinen qorǵaý stansıasynyń bastyǵy Dáýlet Jetpisbaev óńirlik komýnıkasıalyq qyzmetinde ótken pres-konferensıada osylaı dedi, dep habarlaıdy aqshamnews.kz
«2005 jylǵy 4 aqpan kúngi №026-n/K qaýlynyń aıasynda ulttyq parktegi tehnıkaǵa tekserý júrgizilip, órtti sóndirýge arnalǵan qural-jabdyqtardy jańartyp, ár stansıada 300 lıtr benzın men 200 lıtr dızel otynynan úlken qor jasap qoıdyq», - dep atap ótti Jetpisbaev.
Parktegi 4 bólimsheniń árqaısysynda orman órtin sóndiretin 4 top pen 33 adam jumys isteıdi. «Inspektorlardyń 131 aty, 100 komplekt kıimi bar. Budan bólek, parkte 4 órt sóndiretin kólik, 2 arnaýly mashına, 10 traktor men 2 sý jetkizetin qurylǵy taǵy bar»,- dep atap ótti ol.
Sondaı-aq, ınspektorlardy oqytýǵa daıyndyq aıaqtalyp, Almaty aýmaqtyq ınspeksıasynyń ókimi boıynsha keıinnen testileý arqyly 36 saǵattyq oqytý uıymdastyryldy.
Onyń aıtýynsha, osy daıarlyq jumystarynyń aıasynda 22 baqylaý munarasy men tikushaqqa arnalǵan alańdy jóndeýden ótkizip, 228,5 shaqyrym bolatyn órt kezinde qatynaıtyn jol qalpyna keltirilmek.
«Tehnıkalyq jaǵynan ulttyq park qandaı jaǵdaıǵa bolsyn daıyn. Biz, sonymen birge, órtti bolyrmas úshin 40 myń paraq úlestirip, osy aýmaqta ornalasqan jerdiń ıelerine arnap 85 eskertpe taratyp shyqtyq», - dep túıindedi Jetpisbaev.