Órti jıileıtin maýsymnyń aldynda Almaty men Almaty oblysynda órttiń aldyn alýǵa arnalǵan jattyǵý jumystary ótip jatyr. Óńirlik komýnıkasıalar qyzmetinde ótken pres-konferensıada İle Alataýy ulttyq parkiniń Medeý fılıalyna qarasty orman órtinen qorǵaý stansıasynyń bastyǵy Dáýlet Jetpisbaevtyń aıtýynsha, qolda bar kúsh pen tehnıka qazir qandaı jaǵdaıǵa bolsyn daıar tur.
«Aqsaı bólimshesinde ótken jattyǵýǵa 102 adam men 13 tehnıka tartyldy. Maqsatymyz – órt sóndirgen kezde búkil bólimniń qoıan-qoltyq jumys isteýin qamtamasyz etý», - dep tolyqtyrdy ol.
Onyń aıtýynsha, Túrgen bólimshesi erekshe nazarǵa alynǵan.19 sáýir kúni osynda Almaty oblysynyń TJD-men birlesip órttiń aldyn alýǵa arnalǵan úlken taktıkalyq jattyǵý ótkip, oǵan Talǵardyń, Eńbekshiqazaq pen Boraldaıdyń bólimsheleri, Qazáýeorman kúzeti men Qazavıaqutqarýdyń, energetıka jáne sýmen qamtamasyz etýdiń, Ulttyq gvardıanyń mamandary da qatysqan.
«MI-8 tikushaǵyn qosqanda, jattyǵýǵa 200 adam men 35 arnaýly tehnıka kelip qatysty», - dep qorytty Jetpisbaev.
Sonymen birge, ulttyq parktiń mamandary Orta Azıadaǵy, Pákistandaǵy áriptesterimen birlesip, orman men sý jınaıtyn baseınderdiń mańyzyn talqylaǵan halyqaralyq semınarǵa baryp qatysypty. Ol semınarda, jan-jaqtan kelgen ókilder taýly jerde ór sóndirýdiń ádis-amalymen tanysqan.
«Mundaı trenıńter ózara tájirıbe almasyp, tabıǵa apat kezinde onymen kúreser tıimdi júıe jasap shyǵarý úshin de kerek», - dep túıindedi óz sózin maman.