Abaı oblysyndaǵy alapat orman órti saladaǵy birqatar túıitkildiń bar ekenin kórsetti.
Ormannyń qaýipsizdigine jaýapty mamandardyń qyzmettik kóligin aıtpaǵanda, qarapaıym qural-jabdyǵy men arnaıy formalary da joq. Onyń ústine ormanshylardyń jalaqysy da tómen.
24.kz arnasy pikirin usynǵan sarapshy Jaǵpar Kárimjamnyń aıtýynsha, sala serpilisine eldegi orman sharýashylyǵyna bólinetin qarjynyń azdyǵy kedergi keltirip otyr.
«Orman sharýashylyǵynda jumys isteıtin qarapaıym qyzmetkerlerdiń jalaqysy tym az. Ortasha eseppen alǵanda shamamen 100 myń teńge. Biraq olardyń jumys júktemesi joǵary. Keı ınspektordyń qyzmettik kóligi joq, kóbine olar óz kóligin paıdalanady. Sol úshin qazir jastardyń bul mamandyqqa qyzyǵýshylyǵy tómen. Salada problema kóp. Óıtkeni, orman sharýashylyǵyndaǵy basshylyq laýazymdarǵa taǵaıyndalǵandardyń deni osy salaǵa qatysy joq», - deıdi ormanshy Jaǵpar Kárimjan.