Shveısarıa ǵalymdary qaýipti vırýstarǵa, onyń ishinde tumaý men COVID-19 juqpaly indeterine organızmi tótep bere almaıtyn adamdardyń ımýndyq júıesin qorǵaýdy qalpyna keltirýdiń tyń tásilin usyndy.
Bul jaıynda islam.kz portaly Journal of Experimental Medicine Súrıh merzimdi basylymyna silteme jasaı otyryp málim etedi, dep habarlaıdy aqshamnews.kz.
Atalmysh ýnıversıtetiniń ujymy júrgizgen zertteý nátıjesi organızmniń ınfeksıamen kúresýine kedergi keltiretin aýtoantıdenelerdi qalaı beıtaraptandyrýǵa nemese zalalsyzdandyrýǵa bolatynyn kórsetedi. Egde jastaǵy adamdardyń 2-4%-ǵa jýyǵynda óz qanynda óz ınterferondaryn, ımýndyq qorǵanysty iske qosatyn aqýyzdardy bógeıtin aýtoantıdeneler bolady. Osynyń kesirinen, tipti, sýyqtan týyndaıtyn vırýstyq ınfeksıalardyń ózi olarǵa aýyr tıedi.
Súrıh ýnıversıtetiniń komandasy osy qaýipti antıdenelerdiń «nazaryn» basqa jaqqa buratyn, ıaǵnı, antıdenelerdiń naǵyz ınterferondarǵa aralasýyna kedergi keltire alatyn tuzaq molekýlalaryn jasady. Bul baǵyttaǵy zertteý jumystary Súrıh ýnıversıtettik aýrýhanasyna jatqyzylǵan, KOVID-19 juqtyryp, hali aýyr naýqastardyń bıomaterıalynda júrgizildi. Aldymen ǵalymdar ınterferondardyń qaı aımaqtaryn aýtoantıdeneler «moıyndaıtynyn» anyqtap, keıin patologıalyq reaksıany qaýipsiz jolmen buǵattaýǵa qabiletti osy «qoltańba» boıynsha sıntetıkalyq molekýlalar jasady.
Zerthana qabyrǵasynda jasýshalarǵa qatysty júrgizilgen taldaý nátıjesi kórsetkendeı, jańa tehnologıa ınterferondarǵa ózderiniń qorǵanysh fýnksıasyn qaıtarýǵa múmkindik beredi – ımýndyq jasýshalar qaıtadan vırýspen tıimdi kúrese bastaıdy. Budan basqa, zertteýshiler qoldan jasalǵan molekýlalar ımýndyq qorǵanystyń qalǵan bóligine áser etpeı, qannan zıandy aýtoantıdenelerdi iriktep alyp tastaı alatynyn dáleldedi. Ǵalymdar bul jańalyqty mıllıondaǵan adamdy vırýstyq ınfeksıalardyń aýyr asqynýynan qorǵaıtyn derbestendirilgen terapıany damytý jolyndaǵy alǵashqy, qadam dep ataıdy.