Oral qalasynda tok soqqan eki er adam jansaqtaý bólimine tústi, dep habarlaıdy Almaty-akshamy.kz Inform.kz-ke silteme jasap.
Zachagan kentiniń ákimi Aqqalı Áýbekerovtiń aıtýynsha, oqıǵa 28 maýsym kúni M.Móńkeuly kóshesi boıynda boldy.
«27 maýsym kúni keshke qaraı osy aýdanda elektr jaryǵy óship qalǵan bolatyn. Onshaqty kópqabatty úıde, №6 emhanada, jekpe-jek sport mektebinde, sorǵy stansasynda jaryq bolmady. Keshe «Batys Qazaqstan elektr jelilik kompanıasy» JSHS qyzmetkerleri kelip, qalpyna keltirý jumystaryn júrgizdi. Jer astyndaǵy úzilgen kabeldi jalǵaý kezinde eki adamdy tok soǵyp, olardy sol boıda jedel járdem brıgadasy alyp ketti», dedi A.Áýbekerov.
BQO densaýlyq saqtaý basqarmasy baspasóz qyzmetiniń naqtylaýynsha, jedel járdemge shaqyrtý saǵat 16.52-de túsken.
«Oqys oqıǵa saldarynan 1989 jylǵy er adamnyń beti, eki qoly, eki aıaǵy kúıgen. 2-3 dárejeli 15-16 paıyz kúıik jaraqatyn alǵan. Bastapqyda jansaqtaý bólimine túskenimen, keıin palataǵa aýystyryldy. Jaǵdaıy turaqty. 1979 jylǵy er adamnyń beti, eki qoly men aıaǵy, denesin 55 paıyz (3-dárejeli) kúıik shalǵan. Jaǵdaıy aýyr, jansaqtaý bóliminde», dep habarlady vedomstvodan.
BQO boıynsha eńbek ınspeksıasy basqarmasynyń basshysy Asylulan Dosjanov mekemege materıal túskennen keıin komısıa qurylyp, tekseriletinin jetkizdi.