Bıyl Almatyda «Halyqtyń búdjetke qatysýy» baǵdarlamasy boıynsha 8,7 mlrd teńgege 237 jobaǵa qoldaý kórsetilmek. Bul týraly Óńirlik komýnıkasıalar qyzmetiniń brıfıńinde Almaty qalasy qarjy basqarmasy basshysynyń mindetin atqarýshy Altynaı Tóleýtaeva málimdedi, dep habarlaıdy Almaty-akshamy.kz Inform.kz-ke silteme jasap.
«Almatylyqtardyń «Halyqtyń búdjetke qatysýy» baǵdarlamasyna qatysýǵa taǵy da múmkindigi bar. 1 maýsymnan bastap Almatyda «Halyqtyń búdjetke qatysýy» aıasynda jobalyq usynystardy qabyldaý bastaldy. Olardy iske asyrý 2023 jylǵa josparlanyp otyr. Ótinim berý merzimi budget.open-almaty.kz saıty arqyly 20 shildege deıin», - dedi Altynaı Tóleýtaeva.
Ol sondaı-aq, 2021 jyly qala turǵyndarynyń bastamasymen «Halyqtyń búdjetke qatysýy» baǵdarlamasy boıynsha 5,4 mlrd teńgege 256 joba júzege asyrylǵanyn atap ótti.
«Árbir iske asyrylǵan joba ózinshe biregeı. Qalalyqtardyń eń jaqsy pikirlerine ıe bolǵan jobalar bar. Mysaly, Alataý aýdanynyń «Shańyraq-2» jáne «Tomırıs» shaǵyn aýdandaryndaǵy balalar men sport alańdary kópshiliktiń kóńilinen shyqty», - dedi spıker.