Májilis tóraǵasy Erlan Qoshanov Májilistiń kýlýarynda mekteptegi forma máselesine qatysty pikirin aıtty, dep habarlaıdy Almaty-akshamy.kz.
Mektep – ol bilim ordasy. Ol jerde bilim berilýi kerek. Meniń oıymsha, balalardy nemese oqytýshylardy basqa máselege alańdatpaýymyz qajet. Mınıstrliktiń zań boıynsha formaǵa qatysty standarttary bar. Sol standarttardy ustanýymyz kerek, - dedi Májilis spıkeri.
Qoshanov balalar kámelet jasyna tolǵannan keıin qandaı jolmen júretinin ózderi tańdaıtynyn aıtty.
Jýrnalıs Erlan Qoshanovtan «Májilis salafızmge resmı túrde qashan tyıym salady?» dep surady.
Árıne teris dinı aǵymda júrgen, Konstıtýsıamyzǵa qaıshy áreket etip júrgen azamattarǵa zań júzinde tyıym salýymyz kerek, - dep jaýap berdi Májilis tóraǵasy.