1 qyrkúıekten bastap elordada arnaýly orta bilim berý salasynda jańa júıe iske qosylady. Bul týraly Astana qalasy bilim basqarmasynyń basshysy Qasymhan Senǵazıev tolyǵyraq aıtyp berdi, dep habarlaıdy Almaty-akshamy.kz QazAqparatqa silteme jasap.
«Bıyl alǵash ret kolejderde 10-11 synyp oqýshylaryna arnalǵan eksperımenttik bilim berý baǵdarlamasy boıynsha qabyldaý júrgizildi. Nátıjesinde 270 oqýshy qabyldandy. Olar 1,5 jyldan keıin bilim týraly atestatpen qatar jumys biliktiligi bar dıplom alyp shyǵady»,- dedi Qasymhan Senǵazıev Astana qalasy komýnıkasıalar qyzmeti alańynda ótken baspasóz máslıhatynda.
Bilim basqarmasy basshysynyń málimetinshe, elordada 33 kolej bar. Onda 75 mamandyq jáne 122 biliktilik boıynsha kadr daıarlanady. Bıyl elorda kolejderinde oqýǵa 11 937 ótinish tsúken.
Aıta keteıik, búgin elordada jańa oqý jylyna daıyndyq barysy pysyqtaldy. Qalalyq bilim basqarmasynyń basshysy bilim berý uıymdary qaýipsizdik quraldarymen tolyq qamtylǵan dep sendirdi.
Sondaı-aq brıfıń barysynda mektepke qujat tapsyryp úlgermegen jaǵdaıda ne isteý kerektigi túsindirildi.