Konkýrs úsh kezeńnen turady.
«Úzdik pedagog» ataǵynyń ıegerlerine 3,5 mln teńge syıaqy beriledi, dep habarlaıdy Almaty-akshamy.kz Oqý-aǵartý mınıstrligine silteme jasap.
Qazaqstanda "Úzdik pedagog" respýblıkalyq baıqaýy bastaldy.
Baıqaýǵa menshik nysanyna jáne vedimistik baǵynystylyǵyna qaramastan barlyq mektepke deıingi, orta, tehnıkalyq jáne kásiptik bilim berý uıymynyń shtattyq pedagogtary qatysa alady.
Konkýrs úsh kezeńnen turady: aýdandyq, oblystyq jáne respýblıkalyq.
Úmitkerdiń pedagogıkalyq qyzmette joǵary jetistikteri jáne konkýrsqa qatysý kezinde keminde bes jyl úzdiksiz pedagogıkalyq tájirıbesi bolýy kerek.
"Baıqaýdyń birinshi kezeńine qatysýǵa 1311 ótinim berilgen. Qazirgi ýaqytta aýdandyq/qalalyq komısıa olardyń portfolıosyn baǵalaý jumystaryn júrgizip jatyr", - delingen habarlamada.
Ekinshi kezeńde ár aýdan/qaladan 100 upaıdyń 80 paıyzynan kem emes upaı jınaǵan 10 qatysýshy tańdalady. Respýblıkalyq baıqaýdyń úshinshi kezeńi bıyl qyrkúıek aıynda ótedi.
Respýblıkalyq kezeńniń qorytyndysy boıynsha 64 jeńimpaz "Úzdik pedagog" kýáligimen, "Úzdik pedagog" tósbelgisimen jáne 1 000 AEK (3 450 000 teńge) aqshalaı syılyqpen marapattalady.