Memlekettik qyzmetshige kazınoǵa barýǵa bola ma? Bul suraqqa Memlekettik qyzmet isteri agenttiginiń tóraǵasy Darhan Jazyqbaev jaýap berdi.
Tóraǵa memlekettik qyzmetshilerdiń kazıno men qumar oıyndardy oınaýyna qarsy ekenin aıtty, dep habarlaıdy Almaty-akshamy.kz
"Agenttiktiń kózqarasy boıynsha, biz memlekettik qyzmetshilerdiń kazınoǵa barýyna tyıym (qarsylyq) salyp jatyrmyz. Bul normany (zańǵa) ádep jaǵynan engizdik. Ári qaraı sybaılas jemqorlyqqa qarsy is-qımyl agenttigi zańǵa baılanysty jumystar júrgizip jatyr. Osy jumystar júrgizilgen soń naqty aqparat beriledi", - dep málimdedi Darhan Jazyqbaev ortalyq komýnıkasıalar qyzmetinde ótken brıfıńte.
Eske sala keteıik, Qazaqstandaǵy memlekettik qyzmetkerler men áskerı mamandarǵa oıynhanalarǵa barýǵa tyıym salynady. Jarlyqqa engizilgen ózgerister "Ashyq NQA" saıtynda jarıalanǵan bolatyn.
Qujat 28 tamyzǵa deıin qoǵamdyq talqylaýǵa usynyldy.