Osy qosymshany oqýshylar respýblıkalyq hakatonda qorǵap, bas júlde ıelengen
Abaı oblysy Semeı qalasynyń №7 jalpy orta bilim beretin mektep-lıseıiniń 9 synyp oqýshysy Maratov Nurlyhan men 8 synyp oqýshysy Temirbaev Temirlan týrıserge arnalǵan mobıldi qosymsha oılap tapty, dep habarlaıdy Almaty-akshamy.kz.
«Mobıldi qosymshanyń ataýy - Discover Abai. Biz jaıly saıahattaýǵa múmkindik beremiz ári týrıserge jańa jerler kórip, qazaq tilin úırenip, jergilikti mádenıetpen tanysýǵa kómek beremiz», - deıdi Nurlyhan.
Aıta ketý kerek, dál osy qosymshany oqýshylar respýblıkalyq hakatonda qorǵap, bas júlde ıelendi.
Qazaq, orys jáne aǵylshyn tilinde qoldaný múmkindigi bar qosymshaǵa tirkelýge bolady. Pikir qaldyrý, keri baılanys, basqa profılderdi qaraý múmkindikteri de qarastyrylǵan. Týrıserge yńǵaıly bolý úshin qosymshaǵa karta ornalastyrylǵan: paıdalanýshy belgili bir obektiniń ornalasqan jerin onyń meken-jaıyn basý arqyly bile alady. Týrıser úshin qazaq tili sabaqtary, Abaı oblysynan shyqqan belgili tulǵalardyń ómirbaıandary, uly Abaıdyń óleńderi bar.
«Jobanyń klıenttik bóligi React Native kitaphanasyn qoldana otyryp, JavaScript - te jasalǵan. Al onyń artyqshylyǵy - JavaScript-tegi kod Android Jáne iOS júıelerinde jumys isteıdi. Iaǵnı, ár amaldyq júıe úshin bólek kod jazýdyń qajeti joq. Sonymen qatar, tehnologıanyń bul jıyntyǵy jobany masshtabtaýdy jáne synaýdy jeńildetedi», - deıdi Temirlan.
Aldaǵy ýaqytta qosymsha jetildirilip, barlyq platformalarǵa júkteledi deıdi oqýshylar.