Qasym-Jomart Toqaev Tokıoda Japonıanyń iri jáne yqpaldy saýda-ınvestısıalyq korporasıalarynyń biri sanalatyn Sumitomo jetekshisimen kezdesti, - dep habarlaıdy Aqshamnews.kz.
Qazaqstan Prezıdenti elimiz Sumitomo korporasıasynyń ornyqty damý men bıznestiń jaýapkershiligin arttyrýǵa beıildigin joǵary baǵalaıtynyn, sondaı-aq kompanıany uzaq merzimdi seriktes retinde qarastyratynyn atap ótti.
Shıngo Ýeno Memleket basshysyna «Qazatomónerkásip» ulttyq kompanıasymen birlesken jobany iske asyrý jaıynda málimet berdi. Atalǵan joba ıadrolyq medısına salasynda ýran ónimderinen em-sharaǵa qoldanýǵa arnalǵan radıı ızotoptar alýdyń ǵylymı-negizdemelik ádisterin ázirleýdi qarastyrady.
Kezdesýde kólik-logıstıka, energetıka, atom ónerkásibi, metalýrgıa jáne geologıalyq barlaý salalarynda birlesken ınvestısıalyq bastamalardy júzege asyrý perspektıvasy talqylandy.