Qasym-Jomart Toqaev Tokıo qalasyndaǵy Bíríkken Ūlttar Ūıymy unıversıtetíne baryp, «Dúrbeleńge toly dáuírdegí strategıyalyq senímdí qalpyna keltíru: ádílettí árí tūraqty álem qūru jolyndaǵy Qazaqstannyń ūstanymy» taqyrybynda dárís oqydy, dep habarlaıdy Aqshamnews.kz. Aqordaǵa sílteme jasap.
– Osy aıtuly oqu ornynda aımaqtaǵy elder arasynan alǵashqy dárís oqyǵan Memleket basshysy atanu – men úshín zor mártebe. Mūny halyqaralyq arenadaǵy rólí artyp kele jatqan Qazaqstanǵa shynaıy qūrmet dep qabyldaımyn. Sondaı-aq bízdíń multılateralızmdí ílgeríletuge árí jahandyq qauípsízdíktí qoldauǵa baǵyttalǵan tabandy eńbegímízdí moıyndaudyń belgísí retínde qarastyramyn. Bíríkken Ūlttar Ūıymy meníń ómírímde erekshe oryn alady. Óıtkení osy Ūıymda Bas hatshynyń orynbasary jáne Jenevadaǵy ókíldíktíń Bas dırektory, Qarusyzdanu jóníndegí konferentsıyanyń Bas hatshysy lauazymdaryn atqaru baqytyna ıe boldym, – dedí Prezıdent.
Memleket basshysy Unıversıtet ūjymyn oqu ornynyń qūrylǵanyna 50 jyl toluymen qūttyqtap, BŪŪU-dyń búkíl halyqaralyq qoǵamdastyqtyń ıgílígí úshín naqty sheshímder ázírleuge qosqan úlesín atap óttí.
Qasym-Jomart Toqaev ózí ūstanatyn qaǵıdattar men japon etıkasy arasyndaǵy úndestíkke toqtaldy. Yaǵnı úılesímdílík, danalyq jáne jauapty kóshbasshylyq – shynaıy kúsh-quattyń qaınary.
– Hanzada Syotoku VII ǵasyrda «úılesímdílík bárínen bıík baǵalanuǵa tıís» dep jazdy. Búgínde būl qaǵıdat memlekettík basqaruda jáne halyqaralyq qatynastarda basty ról atqaryp, Qazaqstannyń syrtqy sayasatynda aıqyn kórínís tauyp otyr, – dedí Prezıdent.