Almaty qalasynda halyq qaharmany, dańqty qolbasshy Bauyrjan Momyshūlynyń 115 jyldyǵyna oraı «Halyq qaharmany – B.Momyshūly: erlík mektebí, ádebı mūra jáne ruhanı álem» taqyrybyndaǵy qalalyq ǵylymı konferentsıya óttí.
Almaty qalasy Íshkí sayasat basqarmasynyń Qoǵamdyq damu ortalyǵy men Bauyrjan Momyshūly atyndaǵy №131 mektep-lıtseıíníń ūıymdastyruymen ótken ís-shara «Adal azamat» bírtūtas tárbıe baǵdarlamasy ayasynda júzege asyryldy. Konferentsıyanyń negízgí maqsaty – tūlǵasy men bolmysy bólek batyrdyń óshpes mūrasyn jas ūrpaq sanasyna síńíru, elín súıgen er tūlǵasyn nasıhattau, ūlttyq ruh pen patrıottyq qūndylyqtardy keńínen dárípteu.
Shara Bauyrjan Momyshūlynyń eskertkíshíne gúl shoqtaryn qoyu rásímínen bastaldy. Saltanatty sharadan keıín oqushylar «Jas Bauyrjanshylar» qataryna qabyldanyp, konferentsıyanyń ashyluy merekelík kontsertpen jalǵasty.
Konferentsıya barysynda pedagogtar Bauyrjan Momyshūlynyń mūrasyn bílím beru men tárbıe úderísínde tıímdí qoldanu ádísterí jónínde bayandama jasap, zertteu jūmystaryn tanystyrdy. Ūstazdar batyr ónegesín tárbıe jūmysynyń temírqazyǵy retínde qarastyryp, ony jas ūrpaqtyń azamattyq bolmysyn qalyptastyrudaǵy mańyzdy ruhanı resurs retínde atap óttí.
Sonymen qatar oqushylar Bauyrjan Momyshūly mūrasynyń zamanauı qoǵamdaǵy orny men batyr tūlǵasynyń jas ūrpaq tárbıesíndegí mańyzyna arnalǵan shyǵarmashylyq jáne zertteu eńbekterín ūsyndy.
Marapattau rásímí barysynda batyrdyń kózín kórgen zamandastary men qoǵam qaıratkerlerí jas buyn aldynda sóz sóılep, Bauyrjan Momyshūlynyń ómír joly men erlíkke toly bolmysy turaly taǵylymdy estelíkterímen bólístí. Qoǵam qaıratkerí Oraljan Masatbaev Jaqauūly Bauyrjan Momyshūly mūrasynyń búgíngí qoǵam úshín aıryqsha mańyzǵa ıe ekenín atap óttí:
«Elímíz Ádílettí Qazaqstan ıdeologıyasy ayasynda jańa betalysqa qadam basty. Sol betbūrystyń ruhanı ózegínde Bauyrjan Momyshūlynyń mūrasy tūr. Batyrdyń ómír joly men taǵylymy ádíldíkke, shyndyq pen aqıqatqa negízdelgen. Būl qūndylyqtar Abaıdan bastau alyp, ál-Farabı men Bauyrjan Momyshūly syndy ūly tūlǵalardyń mūralarymen sabaqtasyp jatyr. Búgíngí konferentsıyada ūsynylǵan bayandamalardyń barlyǵy qazírgí bílím beru júıesí úshín asa ózektí árí qajettí. Batyr mūrasyn ūlyqtauǵa baǵyttalǵan osyndaı taǵylymdy ís-shara úshín ūıymdastyrushylarǵa alǵysymdy bíldíremín», – dedí ol.
Bauyrjan Momyshūly – tek soǵys qaharmany ǵana emes, ūlt ruhanıyatynyń berík tíregí. Batyrdyń qaldyrǵan ónegesí men ádebı-ruhanı mūrasy uaqyt ótken saıyn jańa qyrynan ashylyp, búgíngí jáne keleshek ūrpaqqa baǵyt-baǵdar beretín qūndylyq retínde óz mańyzyn saqtaı bermek.