Et pen et ónímderín tūtynudyń eń joǵary deńgeıí Almaty qalasynda, sondaı-aq, Jetísu, Qaraǵandy jáne Aqmola oblystarynda baıqaldy. Būl turaly Ūlttyq statıstıka byurosy málímdedí.
Atalǵan óńírlerde bír adamǵa shaqqandaǵy ortasha tūtynu kólemí toqsanyna shamamen 24 kg. Al eń tómen kórsetkísh Shymkent qalasynda tírkelíp, bír adamǵa shaqqanda toqsanyna 16,1 kg boldy, - dep habarlaıdy Aqshamnews.kz.
Óńírler bólínísínde jekelegen azyq-túlík túrlerín tūtynu deńgeıí de ártúrlí. Nan ónímderí men jarma būıymdaryn eń kóp tūtynatyn óńír – Túrkístan oblysy, mūnda bír adamǵa toqsanyna 43,4 kg keledí. Balyq ónímderín eń kóp tūtynu Soltústík Qazaqstan oblysynda baıqalyp, kórsetkísh 5,8 kg qūrady. Sút jáne sút ónímderín tūtynu kólemí Aqmola oblysynda joǵary – bír adamǵa toqsanyna 83,1 kg. Al kókóníster men jemísterdí eń kóp tūtynatyn óńír – Almaty qalasy, tıísínshe 30,76 kg jáne 36,9 kg.
Jalpy alǵanda, 2025 jyldyń III toqsanynda jan basyna shaqqandaǵy azyq-túlík ónímderín ortasha tūtynu kólemí kelesídeı:
- kartop – 11,3 kg
- nan ónímderí men jarma būıymdary – 31,7 kg
- et jáne et ónímderí – 21,2 kg
- jemíster – 29,6 kg
- qant, tosap, shokolad jáne kondıterlík ónímder – 11,4 kg
- sút ónímderí – 60,5 kg
- jūmyrtqa – 53,9 dana
- balyq pen teńíz ónímderí – 3,6 kg