Jyl basynan beri otandastarymyz túrik elinen 600-den asa páter satyp alǵan. Mundaı málimetti Túrkıanyń memlekettik statısıka basqarmasy taratty, - dep habarlaıdy Aqshamnews.kz.
Aqparatqa saı qazaqstandyqtar úıdi negizinen Antalıa, Ystanbul jáne Mersın qalalarynan alypty. Al Túrkıadan eń kóp úı alǵan elderdiń kóshbasynda Reseı tur. Kórshi eldiń azamattary 2025 jyly Anadolydan úsh myńnan asa páter alǵan. Odan keıingi oryndarda kezegimen Iran jáne Ýkraına azamattary. Jalpy Túrkıa 2025 jyly sheteldikterge 20 myńǵa jýyq páter satqan. Qazaqstan azamattarynyń Túrkıadan baspana alý tendensıasy pandemıa tusynda bastaldy. Mamandar «buǵan baspana baǵasynyń tómen bolýy áser etti»,- deıdi.
Qazaqstandyqtar eń kóp úı alǵan qalalar:
- Antalıa
- Ystanbul
- Mersın
2025jyly Túrkıadan baspana alǵan sheteldikter:
- 1. Reseı Federasıasy – 3 145 páter
- 2. Iran – 1 646 páter
- 3. Ýkraına – 1 348 páter
- 7. Qazaqstan – 601 páter
Sheteldikter satyp alǵan páterlerdiń jalpy sany – 19 117