Almaty ákimi Darhan Satybaldy Ózbekstan Respýblıkasynyń Tótenshe jáne Ókiletti Elshisi Bahtıór Ibragımovpen kezdesti, - dep habarlaıdy Aqshamnews.kz.
Kezdesý barysynda taraptar saýda-ekonomıkalyq jáne mádenı-gýmanıtarlyq baılanystardy nyǵaıtý, sondaı-aq týrızm salasyndaǵy tájirıbe almasý máselelerin talqylady.
Megapolıs basshysy Almaty men Ózbekstan arasyndaǵy taýar aınalymynyń oń dınamıkasyn atady. Bıyl 9 aıda kórsetkish 20%-ǵa artyp, 850 mln AQSH dollaryna jetti. Almaty qalasy eki el arasyndaǵy jalpy taýar aınalymynyń besten bir bóligin qamtamasyz etip otyr. Qalada ózbek kapıtaly bar 4 174 kásiporyn tirkelgen.
Óz kezeginde kórshiles eldiń Elshisi bul kórsetkishter ekijaqty senim men áriptestiktiń joǵary deńgeıin kórsetetinin atap ótti.