“Almaty aqshamy” ujymy jyl boıy atqarǵan eseli eńbegin búgin erekshe marapatpen, úlken abyroımen túıindep otyr. “Qazaqstandaǵy Jyl tańdaýy” (№1 Choice of the ýear in Kazakhstan) ulttyq jobasynyń “Memlekettik tildegi respýblıkalyq qoǵamdyq-saıası gazet” nomınasıasyn jeńip aldy, - dep habarlaıdy Aqshamnews.kz tilshisi.
Bul syılyq aıasynda jyl ishinde kórsetken jetistigi, sapasy men el ishindegi bedeli eń joǵary dep tanylǵan brendter, kompanıalar jáne jobalar “Qazaqstandaǵy №1” ataǵyn alady. Sondyqtan mereıimizdi kóterip tastaǵan osynaý mártebeli marapattyń baǵasy biz úshin qundy.
“Jobanyń uıymdastyrýshylaryna, bizdi baǵalaǵan barshaǵa aǵaıynǵa alǵys bildiremiz. Gazetimizdiń “Myń jasaǵan shahardyń shamshyraǵy” dep atalýy tegin emes. Óıtkeni “Almaty aqshamy” otandyq jýrnalısıkada, jalpy qazaq rýhanıatynda ózindik orny, óz tarıhy bar basylym. Bul gazette qazaqtyń qanshama marqasqalary, tanymal tulǵalar eńbek etip, óziniń qoltańbasyn qaldyrdy! Qazir biz zaman kóshinen qalmaý úshin úlken transformasıalar jasap jatyrmyz. Jańa bet-beınemiz qalyptasty. Elimizdegi eń tańdaýly baıqaýdyń aıtýly júldesiniń bizge buıyrýy – aldaǵy ýaqytta da áriptesterge úlken shabyt syılaıdy dep senemin. Jalpy, bul jeńis bizdiń “Alatau aqparat” medıaholdınginiń bereke-birliginiń jetistigi, onyń ishinde “Almaty aqshamy” ujymynyń yntymaǵy men qajyrly eńbeginiń nátıjesi dep bilemin”, – dedi saltanatty rásimde “Alatau aqparat” medıaholdınginiń Bas dırektory Erjan Qalymbaıuly.
Aıta ketsek, “Alatau aqparat” medıaholdıngi quramyndaǵy “Almaty aqshamy” gazetiniń jaryq kórip kele jatqanyna – 37 jyl. Bizdi almatylyqtar ǵana emes, respýblıka turǵyndary jáne sheteldikter de oqıdy. Sondaı-aq “Air Astana” áýe kompanıasynyń borttarynan, “Talgo” poıyzynyń barlyq baǵytynan, sondaı-aq qalalaǵy tanymal qonaq úı, restoran, kofehanalardan tabylamyz.
"Qazaqstandaǵy №1 Jyl tańdaýy" jalpyulttyq jobasynyń 2025 jylǵy laýreattary
-
"OLIMPBET" saýda belgisimen "NetBet" JSHS – "Onlaın-býkmeker №1 – 2025 jyly Qazaqstanda" nomınasıasy boıynsha.
-
"OLIMPBET" saýda belgisimen "NetBet" JSHS – "Sporttaǵy ınvestor №1 – 2025 jyly Qazaqstanda" nomınasıasy boıynsha.
-
"Sın Kaz" JSHS – "Kókónis konservileri №1 – 2025 jyly Qazaqstanda" nomınasıasy boıynsha.
-
"Sın Kaz" JSHS – "Kechýp №1 – 2025 jyly Qazaqstanda" nomınasıasy boıynsha.
-
"Sın Kaz" JSHS – "Pıssaǵa arnalǵan soýs №1 – 2025 jyly Qazaqstanda" nomınasıasy boıynsha.
-
"Sın Kaz" JSHS – "Otandyq qyzanaq ónimderin óndirýshi №1 – 2025 jyly Qazaqstanda" nomınasıasy boıynsha.
-
"RM Bet" býkmekerlik keńsesi JSHS – "Kıbersport býkmekeri №1 – 2025 jyly Qazaqstanda" nomınasıasy boıynsha.
-
Smile saýda belgisimen "Servıs PRO" JSHQ fılıaly – "Ylǵaldy gıgıenalyq maılyqtar №1 – 2025 jyly Qazaqstanda" nomınasıasy boıynsha.
-
"Freken Bok" saýda belgisimen "Servıs PRO" JSHQ fılıaly – "As úı taýarlary (jınaý, daıyndaý, saqtaý) №1 – 2025 jyly Qazaqstanda" nomınasıasy boıynsha.
-
Lady cotton saýda belgisimen "Servıs PRO" JSHQ fılıaly – "Gıgıenalyq maqta ónimderi №1 – 2025 jyly Qazaqstanda" nomınasıasy boıynsha.
-
"Gerbalaıf Qazaqstan" JSHS – "Salmaqty azaıtý jáne baqylaý baǵdarlamasy №1 – 2025 jyly Qazaqstanda" nomınasıasy boıynsha (Herbalife Formýla 1 proteındi kokteıli jáne Formýla 3 proteındi qospasy ónimderimen).
-
"Gerbalaıf Qazaqstan" JSHS – "Dámdi ári qunarly tiskebasar №1 – 2025 jyly Qazaqstanda" nomınasıasy boıynsha (Herbalife Formýla 1 Ekspress proteındi batonchıkteri jáne Herbalife proteındi mını-batonchıkterimen).
-
Qazaq taǵamtaný akademıasynyń "Amıran" zaýyty – "Sút (tiri) №1 – 2025 jyly Qazaqstanda" nomınasıasy boıynsha.
-
Pegasus áýe kompanıasy – "Sheteldik loýkoster-áýe kompanıasy №1 – 2025 jyly Qazaqstanda" nomınasıasy boıynsha.
-
"Almaty aqshamy" basylymy – "Memlekettik tildegi respýblıkalyq qoǵamdyq-saıası kúndelikti gazet №1 – Qazaqstanda" nomınasıasy boıynsha.
-
NUR.KZ – "Jańalyq ınternet-portaly №1 – 2025 jyly Qazaqstanda" nomınasıasy boıynsha.
-
"Novoe pokolenıe" basylymy – "Respýblıkalyq qoǵamdyq-saıası aptalyq №1 – 2025 jyly Qazaqstanda" nomınasıasy boıynsha.
-
ZAKON.KZ – "Respýblıkalyq quqyqtyq jáne aqparattyq-jańalyq baǵytyndaǵy ınternet-portal №1 – 2025 jyly Qazaqstanda" nomınasıasy boıynsha.
-
"Kazahstanskaıa pravda" basylymy – "Respýblıkalyq qoǵamdyq-saıası kúndelikti basylym №1 – 2025 jyly Qazaqstanda" nomınasıasy boıynsha.
-
"Art-ı-SHok" teatry – "Qazaqstandaǵy №1 Jyl tańdaýy" uıymdastyrý komıtetiniń arnaıy syılyǵynyń laýreaty (25 jyldyq retrospektıva aıasynda).
"Altyn Adam" syılyǵynyń laýreattary
-
Smaıl Israıl Mahatuly – "Jýrnalıs" nomınasıasy boıynsha.
-
Talǵat Musabaev (qaıtys bolǵannan keıin) – "Patrıot" nomınasıasy boıynsha.
-
Bórgekov Daryn Boranbaevıch – "Ǵalym" nomınasıasy boıynsha.
-
Artýr Platonov – "Telejýrnalıst" nomınasıasy boıynsha.
-
Erlan Jańbyrbaı – "Eńbek adamy. Shahter" nomınasıasy boıynsha.
"Qoǵamdyq moıyndaý" syılyǵynyń laýreattary
-
Kırıl Harlamov – "Telejýrnalıst" nomınasıasy boıynsha.
-
Maksat Jabaǵın – "Ǵalym" nomınasıasy boıynsha.
-
"MK v Kazahstane" – "Respýblıkalyq qoǵamdyq-saıası aptalyq" nomınasıasy boıynsha.
-
Áýezov Murat Muhtaruly – "Ulttyq moıyndaý. Qazaqstannyń ulttyq mádenıetin saqtaý jáne damytýǵa qosqan úlesi úshin" nomınasıasy boıynsha.
-
Djalılova Gaýhar Amrýllaevna – "Qoǵamǵa qyzmet. Kásibı jetistikter" nomınasıasy boıynsha.
-
Qazaqstan halqy Assambleıasy – "Ulttyq moıyndaý. Ulttyq birlik pen kelisimdi saqtaýǵa qosqan úlesi úshin" nomınasıasy boıynsha.