Jasóspírímder arasyndaǵy V Azıya Para oıyndarynda Qazaqstannyń golboldan ūlttyq qūramasy tarıhı jetístíkke qol jetkízíp, alǵash ret altyn medal ıelendí, - dep habarlaıdy Aqshamnews.kz.
Atalǵan jarysta Qazaqstan qūramasymen bírge Ońtústík Koreya, Iran, Taıland jáne Saud Arabıyasynyń komandalary baq synady. Turnır aınalmaly júıe boıynsha óttí.
Turnırdíń bastapqy kezeńínde Qazaqstan qūramasy Ońtústík Koreyaǵa 9:10, Iran komandasyna 3:5 esebímen jeńíldí. Keıínnen komanda oıyn júıesín rettep, taktıkalyq tūrǵyda jınaqtalyp, kezdesulerdíń barysyn óz paıdasyna sheshe bíldí. Nátıjesínde qazaqstandyq golbolshylar Saud Arabıyasyn 12:7, Taılandty 11:1 esebímen senímdí túrde jeńíp, pleı-off kezeńíne joldama aldy.
Jartylaı fınalda Qazaqstan qūramasy Iran komandasyn 7:5 esebímen jeńíp, fınaldyq básekede Ońtústík Koreya qūramasynan 9:6 esebímen basym túsíp, jarystyń altyn júldegerí atandy.
Jarys qorytyndysy boıynsha Qazaqstan qūramasy 1-shí oryn, Ońtústík Koreya 2-shí oryn, Iran 3-shí orynǵa tūraqtady.
«Jarys barysynda barlyǵy alty oıyn ótkízdík. Sportshylar jarysqa jaqsy daıyndyqpen keldí. Memleket qoldauymen Almaty men Astanada oqu-jattyǵu jıyndary ūıymdastyryldy. Nátıjege kóńílímíz tolady. Komanda qūramyndaǵy alty sportshynyń tórteuí úshín būl alǵashqy halyqaralyq jarys bolǵanyna qaramastan, olar ózderín joǵary deńgeıde kórsete bíldí», — dedí golboldan bas bapker Andreı Shpeht.
Aıta keteıík, jasóspírímder arasyndaǵy V Azıya Para oıyndary 10-13 jeltoqsan aralyǵynda Dubaı qalasynda (BAÁ) óttí. Baıraqty básekege 45 elden 1 300-den astam sportshy qatysyp, 11 sport túrí boıynsha 481 medal jıyntyǵy sarapqa salyndy.
Atalǵan oıyndarda Qazaqstan qūramasy 9 sport túrínen synǵa túsíp, jalpy sany 68 medal jeńíp aldy. Onyń íshínde 25 altyn, 23 kúmís jáne 20 qola júlde bar.
Būǵan deıín Qazaqstan jasóspírímder arasyndaǵy V Azıya Para oıyndarynda 68 medal jeńíp alǵan bolatyn.