Táuelsízdík kúníne oraı Google jasandy ıntellektíníń Gemini modelín qazaq tílínde íske qosqanyn jarıyalady, - dep habarlaıdy Aqshamnews.kz.
Būl – eń ozyq sanalatyn JI-modelíníń tíldík qoldauyn keńeıtuge baǵyttalǵan jahandyq bastamanyń bír bólígí. Qazaq tílí Gemini 3 buynyn íske qosu ayasynda qosylǵan 23 jańa tíldíń qataryna endí. Būl Qazaqstandaǵy paıdalanushylarǵa Gemini múmkíndíkterín álemdegí eń írí tíldermen teń dárejede, óz ana tílínde qoldanuǵa múmkíndík beredí.
Gemini-díń qazaq tílíndegí ınterfeısí qazírdíń ózínde veb-nūsqada qoljetímdí. Ol úshín paıdalanushylar Google akkauntynyń baptaularynda qazaq tílín tańdauy qajet. Aldaǵy uaqytta Android jáne iOS júıeleríne arnalǵan nūsqalardy qoldau, sondaı-aq, Gemini Live servısín íske qosu josparlanyp otyr.
Gemini-díń qazaq tílíndegí nūsqasynyń íske qosyluy Google kompanıyasynyń Qazaqstanda jasandy ıntellektíní damytuǵa baǵyttalǵan keń auqymdy jūmysynyń bír bólígí. Būl jūmys kadrlardy dayarlauǵa ınvestıtsıya saludy, tsıfrlyq daǵdylardy damytudy jáne ázírleushílerdí qoldaudy qamtıdy. Kompanıyanyń baǵalauynsha, jasandy ıntellektíní memlekettík sektorǵa engízu ekonomıkalyq jaǵynan da tıímdí. Sebebí ol memlekettík basqaru ónímdílígíníń artuy jáne byudjet júıesínde tūraqtylyqtyń kúsheyuíne septígín tıgízedí, árí eldíń ekonomıkalyq ósímíne qosymsha úles qosady.
Jasandy ıntellekt jáne tsıfrlyq damu mınıstrlígínde jahandyq JI sheshímderíníń qazaq tílínde qoljetímdí boluy tsıfrlyq memlekettí damytu, azamattar úshín tehnologıyalardyń qoljetímdílígín arttyru jáne básekege qabílettí AI-ekojúıe qalyptastyru jolyndaǵy mańyzdy qadam ekenín atap óttí.
Mınıstrlík jasandy ıntellektíní damytu, tsıfrlyq ónímderdí lokalızatsıyalau jáne jańa buyn mamandaryn dayarlau baǵytynda halyqaralyq tehnologıyalyq seríktestermen yntymaqtastyqty odan árí jalǵastyrady.