Vıse-premer – ulttyq ekonomıka mınıstri Serik Jumanǵarınniń tóraǵalyǵymen ótken Ekonomıkalyq ósýdi qamtamasyz etý jónindegi shtabtyń kezekti otyrysynda 2025 jyldyń qorytyndysy boıynsha boljam jáne 2026 jyly ekonomıkalyq ósýdi qoldaýdyń tásilderi qaraldy.
Óńdeý ónerkásibinde 11 aıǵy qorytyndy boıynsha NKI 105,9%. Ósý jyl qorytyndysy boıynsha 6% deńgeıinde bolýy múmkin.
2025 jylǵy qorytyndy boıynsha negizgi óńdeý salalary dınamıkasy boljamy:
- metalýrgıa (óńdeý qurylymynda 40%) – ósý 1,1%,
- mashına jasaý (17,5%) – ósý 12%,
- tamaq ónerkásibi (13,1%) – ósý 9%,
- qurylys materıalyn óndirý (5,6%) – ósý 6%,
- hımıa ónerkásibi (5,4%) – ósý 6%,
- jeńil ónerkásip (0,7%) – ósý 5%.
Shtab otyrysynda negizgi ekonomıkalyq ósý draıveriniń biri retinde óńdeý ónerkásibin odan ári damytý boljamyna erekshe nazar aýdaryldy. Tústi jáne qara metalýrgıany damytý perspektıvasy, «Báıterek» holdıńi jelisi boıynsha qarjylandyrylatyn jobalardy iske asyrý, óńirlerdegi ınfraqurylymnyń jaı-kúıi jáne sala ósiminiń turaqtylyǵyna áser etetin basqa da faktorlar qaraldy.
Óńirlerdiń resýrstyq jáne ınfraqurylymdyq áleýetin neǵurlym tıimdi paıdalaný qajettiligin eskere otyryp, vıse-premer ekonomıkalyq ósý úshin asa mańyzdy, sondaı-aq jeńil ónerkásip pen qurylys materıalyn óndirýdi qoldaý sharalaryna nazar aýdara otyryp, óńdeý ónerkásibindegi ósý qarqynyn qamtamasyz etý jónindegi jol kartasyn daıyndaýdy tapsyrdy.
Saýda-sattyqta NKI 11 aıda 8,8% ósken kezde jyl qorytyndysy boıynsha 8,9% bolýy múmkin. Saýdanyń ósýine jınaqtalǵan úlestiń shamamen 72%-yn bes aımaq qamtamasyz etedi:
- Almaty – 24,6 trln teńge (avtomobılder, mashınalar men jabdyqtar saýdasy, farmasevtıkalyq ónimder, shokolad);
- Astana – 10,9 trln teńge (tabıǵı gaz, dızel otyny, avıasıalyq benzın men kerosın, et jáne sút ónimderin satý);
- Atyraý oblysy – 6,7 trln teńge (munaı ónimderi, mashınalar men jabdyqtar);
- Qaraǵandy oblysy – 4,5 trln teńge (farmasevtıkalyq taýarlar, mashınalar men jabdyqtar, kosmetıkalyq ónimder);
- Shymkent – 3,6 trln teńge (farmasevtıkalyq ónim, JJM, AÓK ónimi).
760 myńǵa jýyq bıznes sýbektisi bar bólshek saýda qurylymynda jeke kásipkerlerdiń taýar aınalymy 10%-ǵa ósip, 8,2 trln teńgege jetti. Jedel derekter boıynsha, 11 aıdaǵy onlaın satý kólemi 3,3 trln teńge. Bul ótken jylǵy sáıkes kezeńmen salystyrǵanda 14,4%-ǵa artyq.
Aýyl sharýashylyǵy barlyq baǵyt boıynsha turaqty ósýdi kórsetedi. 11 aıǵy qorytyndy boıynsha NKI 106,1%. Ósý jyl qorytyndysy boıynsha 5% deńgeıinde. Bul josparly kórsetkishten 3%-ǵa artyq.
Ortasha respýblıkalyq deńgeıden joǵary ósý Aqmola (115,7%), Qostanaı (115,4%), Soltústik Qazaqstan (110,5%), Pavlodar (108,2%), Atyraý oblystarynda (107,4%) tirkeldi.
Dástúrli daqyldardyń turaqty joǵary ónimdiligi aıasynda bıyl joǵary marjınaldy maıly jáne burshaq daqyly aıtarlyqtaı ósýge áser etti. Burshaq daqylynan 1,1 mln-nan asatyn rekordtyq ónim alyndy. Alǵash ret maıly daqyl óndirisi kólemi 4,7 mln tonnaǵa jetti. Maqta jınaý – 428 myń tonna. Onyń ónimdiligi 29,6 s/ga. Bul – sońǵy 18 jyldaǵy eń joǵary kórsetkish.