2026 jylǵy 22-24 sáýir aralyǵynda Astana qalasynda Óńirlik ekologıalyq samıt 2026 (Samıt) ótedi, - dep habarlaıdy Aqshamnews.kz-ke silteme jasap.
Samıt Ortalyq Azıa elderin klımat pen ekologıa salasyndaǵy negizgi máseleler boıynsha kelisilgen dıalog qalyptastyrý maqsatynda biriktiredi. Samıttiń taqyryptyq baǵdarlamasy klımattyq ótýdi qoldaýdy, ekologıalyq jáne tabıǵı qaterlerge beıimdelý men ekonomıkalyq turaqtylyqty, azyq-túlik qaýipsizdigi men óńir ekojúıelerin, tabıǵı resýrstardy ornyqty basqarýdy, atmosferalyq aýanyń lastanýyna qarsy kúresti jáne qaldyqtardy basqarýdy, ádiletti ári ınklúzıvti óńirlik ótýdi, ekologıalyq maqsattarǵa qol jetkizý tetikterin, sondaı-aq ornyqty bolashaq úshin ekologıalyq jáne sıfrlyq quzyretterdi qamtıdy.
İs-sharaǵa óńir elderiniń memlekettik organdarynyń ókilderi, halyqaralyq uıymdar, damý ınstıtýttary, ǵylymı qaýymdastyq, bıznes jáne azamattyq qoǵam ókilderi qatysady. Shamamen 1500 delegattyń qatysýy kútilýde.
Samıt aıasynda ornyqty damý salasyndaǵy praktıkalyq tehnologıalyq jáne ınvestısıalyq sheshimderdi kórsetýge baǵyttalǵan «RES 2026 EXPO» halyqaralyq ekologıalyq jáne jasyl tehnologıalar kórmesin ótkizý kózdelgen.
Óńirlik ekologıalyq samıt 2026 boıynsha baılanys derekteri: E-mail: office@caclimate.fund
«RES 2026 EXPO» halyqaralyq kórmesine qatysý máseleleri boıynsha baılanys derekteri: E-mail: partnership@res2026expo.kz