Bul týraly mádenıet jáne aqparat vıse-mınıstri Qanat Ysqaqov málimdedi, dep habarlaıdy aqshamnews.kz
Mádenıet jáne aqparat mınıstrligi balalardyń jazǵy demalysyn tıimdi uıymdastyrý boıynsha aýqymdy is-sharalar keshenin ázirledi.
"Jazǵy ýaqytta elimizdiń barlyq mektep oqýshylaryna mýzeıler men teatrlarǵa, ózge de mádenı mekemelerge tegin kirýge múmkindik jasalyp otyr. Bul árbir balaǵa mádenı muramen etene tanysyp, rýhanı baıı túsýge jol ashatyn ıgi bastama", - dedi Ysqaqov úkimettiń búgingi otyrysynda.
Al premer-mınıstr Oljas Bektenov týrızm jáne sport mınıstrligine balalardyń tarıhı-mádenı mura obektilerine, sondaı-aq, belgili týrısik aımaqtarǵa barýy úshin ákimdikterdiń óńiraralyq ózara is-qımylyn úılestirýdi tapsyrdy.
"Batys óńirindegi balalarǵa elimizdiń shyǵys aımaqtaryn kórip-bilý qyzyqty bolmaq. Al ońtústik oblystardaǵy oqýshylardyń soltústik aımaqtarǵa jáne kerisinshe saıahattap barýyn uıymdastyrý qajet. Balalar elimizdiń kórikti jerleri men baı mádenı murasyn tanyp-bilýge tıis", - dedi Bektenov.