Almaty jolaýshylar kóligi jáne tehnologıalar kolejiniń «Jas sarbaz» áskerı-patrıottyq qozǵalysy bólimshesinde áskerge shaqyrýǵa deıingi jastarǵa arnalǵan jasóspirimderge ushqyshsyz tehnologıalar men robototehnıka álemin ıgerýge múmkindik beretin biregeı oqý kýrsy ashyldy.
Baǵdarlamanyń negizgi maqsaty – oqýshy jastardy drondardy basqarý ónerin zertteýge jáne robototehnıka sabaqtaryna tartý. Oqý barysynda oqýshylar men stýdentter tehnıkalyq daǵdylardy ıgerip qana qoımaı, sonymen qatar ınjener-konstrýktor, ınjener-tehnolog, jobalaýshy, baǵdarlamashy jáne áskerı saladaǵy UUA operatory mamandyqtary týraly túsinik alady, dep habarlaıdy Almaty-akshamy.kz QR Qorǵanys mınıstrligine silteme jasap.
Búgingi tańda baǵdarlama aıasynda toǵyz FPV-dron operatory daıyndaldy. Olar acro rejıminde kvadrokopterdi senimdi basqaryp, nysandarǵa óz betinshe barlaý jasaı biledi. Sonymen birge «segizdik», «jylan», «bóshke» jáne basqa fıgýralardy oryndaı alady.
Oqýshylar aerodınamıka, ushqyshsyz ushý apparaty teorıasy jáne kartografıany ıgergen. Sonymen qatar, olar sporttyq zymyran korpýstaryn jasaý boıynsha oqýdan ótti jáne zymyrandyq modeldik sport jarystaryna qatysýǵa daıyn.
«Qazirgi ýaqytta S4, S8 jáne S6 zymyran synyptarynda zymyrandyq modeldik sport jarystaryna qatysý úshin úsh adamnan turatyn eki komanda daıyndaldy. Olardyń barlyǵy qaýipsizdik tehnıkasy boıynsha kirispe, teorıalyq jáne ushý aldyndaǵy nusqaýlyqtan ótti. Osy jazda Ózbekstan men Qyrǵyzstanda ótetin jarystarǵa qatysýdy josparlap otyrmyz», – dep atap ótti zymyran sporty men drondardy damytý jobasynyń jetekshisi FPVschool.kz Vladıslav Baryshev.
Bul bilim berý baǵdarlamasy oqýshylardyń bilim kókjıegin keńeıtip qana qoımaı, olardy avıasıa, zymyran jáne robototehnıka salasynda odan ári oqytý men kásibı damýǵa jeteleri sózsiz.