TMD elderi ishinde Qazaqstannyń áskerı qýaty Reseı, Ýkraına, Belorýs, Ázerbaıjan, Ózbekstan elderinen tómen.
Al Túrkimenstan, Armenıa, Qyrǵyzstan, Tájikstan jáne Moldova elderi sońǵy satyda qaldy, dep habarlaıdy Almaty-akshamy.kz.
Finprom.kz saraptamasyna sáıkes, Qazaqstanda 2022 jyldyń qorytyndysy boıynsha memlekettik basqarý jáne qorǵanys, sondaı-aq mindetti áleýmettik qamsyzdandyrý sektoryndaǵy ınvestısıalar eki eseden astam ósken.
Global Firepower sarapshylary usynǵan derekke qaraǵanda, áskerı qýat deńgeıi boıynsha elder reıtıńinde Qazaqstan 63-orynda tur. Reıtıń sarapshylary 60 túrli faktordy, onyń ishinde memlekettiń qorǵanysqa jumsalatyn shyǵyndar deńgeıin, tehnıkalar jáne jabdyqtar arsenalyn, armıa sanyn, tankter, korablder men ushaqtar sanyn, armıanyń jaýyngerlik qabilettiligine áser etetin resýrstaryn baǵalady. Bul rette ıadrolyq qarý faktory eskerilmegen.
TMD elderiniń ishinde Reseı qorǵanysqa 82,6 mlrd dollar, Ýkraına 30 mlrd dollar, Ázerbaıjan 3,1 mlrd dollar jumsaıdy. Bul rette Belarýs pen Ózbekstandaǵy búdjet Qazaqstanǵa qaraǵanda birneshe ese tómen boldy:
Global Firepower sarapshylarynyń málimetinshe, Qazaqstan avıasıasynda 237 ushý apparaty bar: 75 jaýyngerlik tikushaq, al ushaqtar arasynda – 39 shabýylshy, 81 joıǵysh, 17 kólik jáne 25 oqý ushaǵy. Elimizdiń qurlyq áskerlerinde 300 tank, 5,2 myń jaýyngerlik brondy mashına, 246 ózdiginen júretin artılerıalyq qondyrǵy, 456 birlik súıretiletin artılerıa jáne 407 reaktıvti dúrkin atys júıesi bar.
Áskerı personaldyń jalpy sany 77 myń adamdy quraıdy, onyń ishinde 45 myń adam – áreket etýshi áskerı, 32 myń adam áskerılendirilgen quralymdarǵa jatady.