V Dúnıejúzilik kóshpendiler oıyndaryna Daıyndyq jáne uıymdastyrý dıreksıasy basshysynyń orynbasary Abylaı Kondybaev oıynǵa búdjetten 5,7 mlrd teńge bólingenin aıtty, dep habarlaıdy aqshamnews.kz.
Abylaı Kondybaevtyń málimeti boıynsha, shyǵynnyń basym bóligi qonaqtardyń jatyn orny men tamaqtanýyna jumsalmaq.
2430 qatysýshy bizge keledi dep aıttyq. Biz besinshi oıyndardy ótkizemiz. Qalyptasqan dástúrler bar. Bizdiń ulttyq quramamyz da barlyq oıyndarǵa qatysty. Barlyq osy dástúrler boıynsha qabyldaýshy tarap árqashan kelgen qonaqtardyń barlyq shyǵyndaryn óz moınyna aldy, - dedi ol.
Spıker bir sheteldik sportshynyń shyǵyny 2 mln teńgeni quraıtynyn aıtty.
Ár qonaqqa shamamen 1 800 000 teńge jumsaımyz. Negizgi shyǵyn barlyq kelgen qonaqtardy ornalastyrý, tamaqtandyrý jáne tasymaldaýǵa ketedi, - dep naqtylady Abylaı Kondybaev.