Búginde oqý pánderiniń sıfrlyq formatqa kóshirilý kórsetkishi 80 paıyzdan 93 paıyzǵa deıin ósti.
Bul aldyn ala kórsetkish, ıaǵnı jeltoqsan aıynda saraptamanyń sońǵy kezeńi - pándik saraptamalyq komısıa ótedi, dep habarlaıdy Almaty-akshamy.kz Oqý-aǵartý mınıstrligine silteme jasap.
Saraptamanyń qorytyndysy boıynsha naqty kórsetkish jarıalanatynyn atap ótken jón.
Sıfrlyq oqýlyqtar elimizde 13 baspa 11 platformada ázirlenýde.
Pánderdi oqytýda ınovasıalyq ádis-tásilderdi engizý maqsatynda pedagogter qoldanýy úshin ádistemelik usynystar ázirlendi. Muǵalimder zamanaýı sıfrlyq tehnologıalardy, onlaın komýnıkasıalardy, saralaý men daralaýdy paıdalana otyryp, sabaqtaryn ótkizedi, sondaı-aq onlaın resýrstaryn qoldaný arqyly bilimderin jetildiredi.
Budan basqa, robototehnıka, STEM, hımıa, fızıka, bıologıa pánderi boıynsha 1000 zamanaýı kabınet ashý jumystary júrgizilýde. Qazirgi tańda 976 mektep zamanaýı kabınettermen jabdyqtalǵan.
Aıta keteıik, Aqmola, Aqtóbe, Qostanaı, Qyzylorda, Pavlodar, Soltústik Qazaqstan oblystarynda jáne Shymkent qalasynda pándik kabınetter jospar boıynsha tolyǵymen satyp alyndy.