QR Premer-Mınıstri Álıhan Smaıylov QR Parlamenti Senatynyń otyrysynan keıin ótken brıfıń barysynda zańsyz ıemdelingen jáne elden shyǵarylǵan aktıvterdi qaıtarý jónindegi jumys týraly aıtyp berdi, dep habarlaıdy almaty-akshamy.kz
Premer-Mınıstr aktıvterdi qaıtarý jónindegi jumys qabyldanǵan zańǵa sáıkes júrip jatqanyn jáne ol Memleket basshysynyń saıası jáne ekonomıkalyq reformalarynyń qısyndy jalǵasy ekenin atap ótti. Negizgi mindet – áleýmettik ádildikti qalpyna keltirý, aktıvterdi qaıtarý jáne olardy respýblıka ekonomıkasyna jumys isteýge baǵdarlaý.
«Eki joly bar – erikti jáne májbúrli túrde, olar sot sheshimine sáıkes júzege asyrylady. Zańnyń kúshi júretin adamdar toby anyqtalǵan. Bul – ákimshilik resýrstardy paıdalanyp, aktıvterdi zańsyz ıemdengen adamdar. Adal bızneske alańdaýǵa negiz joq», — dedi Álıhan Smaıylov.
Úkimet basshysynyń aıtýynsha, qaıtarylǵan qarajat áleýmettik saladaǵy mańyzdy jobalardy, sondaı-aq jańa jumys oryndaryn qurýǵa múmkindik beretin ınfraqurylymdyq jáne óndiristik jobalardy iske asyrýǵa baǵyttalatyn bolady.
«Búgingi tańda shamamen 1 trln teńgeniń aktıvteri qaıtaryldy. Onyń ishinde shamamen $600 mlrd-y shetelden qaıtarylyp otyr. Bul jumys jalǵasýda», — dedi Premer-Mınıstr.