Baılanys ortalyǵy jumys kúnderi saǵat 9.00-den 18.30-ǵa deıin jumys isteıdi.
Oqý-aǵartý mınıstrligi 1450 nómiri boıynsha bilim berý máseleleri jónindegi Biryńǵaı baılanys ortalyǵynyń jumysyn uıymdastyrdy, dep habarlaıdy Almaty-akshamy.kz mınıstrliktiń baspasóz qyzmetine silteme jasap.
Óńirlik bilim basqarmalary Biryńǵaı baılanys ortalyǵyna ekinshi jeli arqyly qosylǵan. Jergilikti atqarýshy organdardyń quzyretine jatatyn máseleler ony sheshý úshin birden bilim basqarmalaryna jiberiledi.
Baılanys ortalyǵy jumys kúnderi saǵat 9.00-den 18.30-ǵa deıin jumys isteıdi. Demalys kúnderi – senbi jáne jeksenbi.
Búgingi tańda baılanys ortalyǵyna 1 200-den astam qońyraý tústi. Kóbinese azamattardy balabaqshadan oryn alý úshin kezekke qalaı turý keregi qyzyqtyrady. Bul másele boıynsha túsindirme jumystaryn jergilikti atqarýshy organdardyń ókilderi júrgizedi. Sondaı-aq eń ózekti taqyryptar bilim týraly qujattardy qalpyna keltirý, mekteptegi tamaqtandyrý máselesi, balalardy bir mektepten ekinshisine aýystyrýǵa qatysty.