Sońǵy eki kúnde sherýge shyqqan ondaǵan stýdent qamaýǵa alyndy.
Iranda 22 jastaǵy Mahsa Amınıdiń qazasyna baılanysty jappaı narazylyqtar bastaldy. Jergilikti moraldyq polısıa Mahsa Amınıdi hıdjabty durys kımeýine baılanysty ustaǵan, dep habarlaıdy Almaty-akshamy.kz Egemen.kz silteme jasap.
Mahsa Amını 13 qyrkúıekte ustalyp, 16 qyrkúıekte aýrýhana tóseginde jan tapsyrdy. Osyǵan baılanysty Tegeran men eldiń kóptegen provınsıalarynda jappaı tártipsizdikter bastaldy.
El astanasyndaǵy Ebýzer býlvarynda demonstranttar joldaǵy kedergilerdi órteýge tyrysqan. Jergilikti polısıa narazylyq bildirýshilerdi taratý maqsatynda kózden jas aǵyzatyn gaz ben taıaqshalardy qoldanǵany habarlandy.
Tegeranda narazylyq bildirýshiler Reı kvartalyndaǵy Islam revolúsıalyq Saqshylar korpýsynyń bir pýnktine shabýyl jasady degen aqparat tarady.
Ǵalamtor qoldanýshylary jarıalaǵan beınerolıkterde atys pen jarylystyń dybystary estilgen.
Mazenderannyń Soltústik provınsıasyndaǵy Býsher qalasynda quqyq qorǵaý organdarynyń qyzmetkerleri úkimetke qarsy uran aıtqan demonstranttarǵa qarsy kúsh qoldandy.
Irannyń resmı IRNA aqparat agenttiginiń habarlaýynsha, Mazenderanda 450 adam qamaýǵa alyndy.
Bir kún buryn eldiń soltústigindegi Gılán provınsıasynda 739 adam, onyń ishinde 60 áıel ustaldy. Bul týraly jergilikti polısıa basshysy Azızıolla Malekı málimdedi.
Sońǵy eki kúnde sherýge shyqqan ondaǵan stýdent qamaýǵa alyndy.