16 jastaǵy jasóspirimniń keýde qýysy úlkeıip, qabyrǵalary syrtqa dúmpıip shyǵyp ketken.
Saldarynan onyń tynys alýy, qozǵalysy qıyndaǵan, dep habarlaıdy Almaty-akshamy.kz Almatydaǵy №1 qalalyq klınıkalyq aýrýhananyń baspasóz qyzmetine silteme jasap.
Anasynyń aıtýynsha, balanyń keýdesindegi patologıa 6 jasynda paıda bolǵan. Ýaqyt óte kele, tompaıyp shyǵyp, úlkeıe bastapty. Jan-jaqty teksergennen keıin torakaldy hırýrgtar ota jasaý týraly sheshim qabyldady. Pasıent «Týabitti júrek aqaýy. Keýde qýysynyń deformasıalanýy. 3-shi deńgeıli assımetrıa» degen dıagnozben aýrýhananyń torakaldy hırýrgıa ortalyǵyna jatqyzyldy.
Nurlan Jarylqapov pen Muqtar Nysanbaı, anestızıolog Taıva Rakova men operasıalyq medbıke Dınara ortalyqtan quralǵan brıgada kúrdeli otany sátti jasap shyqty.
«Operasıa mindetti áleýmettik medısınalyq saqtandyrý sheńberinde jasaldy. Pasıentke Kandrashın ádisi boıynsha torakaplastıka jasalyp, keýde qýysyna tıtan plasına ornatyldy. Naýqas otadan soń 7 kún ótkennen keıin aýrýhanadan shyqty», - deıdi torakaldy hırýrg Muqtar Nysanbaı.
Keýde qýysynyń deformasıasy ádette týabitti nemese júre paıda bolady. Bul aqaý kóbine ul balalarda kezdesedi. Ýaqtyly túzetpese asqynyp, pasıenttiń tynys alýy qıyndap, keýde tusy aýra bastaıdy. Bir jaqsysy, qazir ony hırýrgıalyq jolmen túzetýge bolady.
Esterińizge salsaq, 18 jasqa deıingi balalar memleket tarapynan saqtandyrylady jáne medısınalyq qyzmetti aqysyz paıdalana alady.